सर्लाही–सर्लाहीको बाँके जंगलमा भएको मोटरसाईकल दुर्घटनामा परेर प्रहरी हवल्दार सहित दुई जनाको ज्यान गएको छ । भने, थप दुई जना घाईते भएका छन् ।
बिहिवार साझ पुर्व पश्चिम राजमार्ग स्थित ईश्वरपुर नगरपालिका–१२, बाँके जंगलमा एकै ठाउँमा तिन वटा मोटरसाईकल दुर्घटना भएको थियो । दुर्घटनामा पर्साको वीरगन्ज महानगरपालिका–२३, पोखरीयाटोल बस्ने ३६ बर्षका राम लोचन पटेल र पर्साको साबिक मिर्जापुर गाबिस १ घर भई जिल्ला प्रहरी कार्यालय सप्तरीमा कार्यरत ३८ बर्षका प्रहरी हवल्दार बाबुलाल प्रसाद साहको ज्यान गएको हो ।
मृतक दुवैको शव प्रादेशिक अस्पताल मलंगवामा राखिएको प्रहरीले जनाएको छ । सोही घटनामा परेर तिन जना घाईते समेत भएका छन् । घाईते हुनेहरुमा मोटरसाईकलमा सवार पर्साको वीरगन्ज–२३ सबैठवा बस्ने २३ बर्षका सोनेलाल प्रसाद यादव, सिरहाको कर्जन्हा नगरपालिका–११,का ५० बर्षका चन्देश्वर महतो र उन्को श्रीमती ४५ बर्षकी जयन्ती कुमारी महतो रहेको सर्लाही प्रहरीले जनाएको हो ।
उनीहरुको हात, खुट्टा, टाउँको, हनुहार लगायत शरिरको विभिन्न भागमा चोटलागेको अवस्थमामा लालबन्दीस्थित गढिमाई हस्पिटलमा उपचार भईरहेको छ । प्रहरीका अनुसार साझ पुर्वबाट पश्चिम आउँदै गरेको प्रदेश २–०२–००३ प ९१७८ नम्बरको मोटरसाइकल र बिपरित दिशाबाट जाँदै गरेको प्रदेश २–०३–०१७ प ७१८७ नम्बरको मोटरसाइकल एक आपसमा ठोक्किएको थियो ।
सोही क्रममा पुर्बबाट पश्चिम आउँदै गरेको स ९ प १५९१ नम्बरको मोटरसाइकल समेत ठोक्किन पुगेको प्रत्यक्षदर्शीको भनाई छ । प्रहरीले घटना स्थलबाट तिन वटै मोटरसाईकल नियन्त्रणमा राखेर अनुसन्धान गरिरहेको जिल्ला प्रहरी कार्यलय सर्लाहीका डिएसपी विजय यादवले जानकारी दिए ।
गएको सोमबार पनि त्यही ठाउँमा दुईवटा मोटरसाईकल एक आपसमा ठोकिँदा २ जनाको मृत्यु भएको थियो भने २ जना घाईते भएका थिए ।
