सर्लाही–जिल्लामा सम्पन्न नमुना मतदानमा कुल खसेको मतको ६ प्रतिशत बढि मत बदर भएको छ ।
आशन्न प्रतिनिधि सभा र प्रदेश सभा निर्वाचन शिक्षा कार्यक्रम अन्तरगत सर्लाहीमा सम्पन्न नमुना मतदानमा ६.०३ प्रतिशत मत बदर भएको हो । जिल्लाको २० पालिका केन्द्रमा गरिएको नमुना मतदानमा ९ सय ७४ पुरुष र ४ सय ५२ जना महिला गरी १ हजार ३ सय ४० मत परेको थियो ।
परेको कुल मतको ६.०३ प्रतिशत अर्थात ८६ वटा मत बदर भएको जिल्ला निर्वाचन कार्यलय सर्लाहीले जनाएको हो । निर्वाचन कार्यलयका अनुसार जिल्लाको बरबरिया गाउँपालिकामा सम्पन्न नमुना मतदानमा सबै भन्दा धेरै ११.६७ प्रतिशत मत बदर भएको छ । यस पालिकाको नमुना मतदानमा ६० मत परेकोमा ५३ मत सदर र ७ मत बदर भएको हो ।
यस्तै जिल्लामाको लालबन्दी नगरपालिकामा सम्पन्न नमुना मतदानमा सतप्रतिशत मत सदर भएको छ । यहाँ ७४ मत खसेकोमा ७४ मतनै सदर भएको हो । जिल्ला निर्वाचन कार्यलयले जिल्लाका प्रतेक पालिकाको कार्यलय परिसरमा नमुना मतदान कार्यक्रम सम्पन्न गरेको थियो । नमुना मतदानमा नगरका कर्मचारी, स्वयंमसेवीका, सुरक्षाकर्मी लगाएतको सहभागिता रहेको जिल्ला निर्वाचन अधिकारी निर्मल पोख्रेलले जानकारी दिए ।
केही पालिकामा स्थानीय समेतको सहभागितामा नमुना मतदान सम्पन्न भएको जिल्ला निर्वाचन कार्यलयका प्रमुख पोख्रेलले जानकारी दिए । यहि अनुपातमा मत बदर हुने हो, भने सर्लाहीमा २९ हजारको हाराहारीमा मत बदर हुने अनुमान छ । आईतवार हुने चुनावका लागि जिल्लाभरीमा ४ लाख ७९ हजार ३८ जना कुल मतदाता रहेका छन् ।
४ वटा प्रतिनिधि सभा निर्वाचान क्षेत्र र ८ वटा प्रदेश सभा निर्वाचन क्षेत्र रहेको सर्लाहीमा प्रतिनिधि सभामा ६९ जना र प्रदेश सभा सदस्यका लागि १३३ जना चुनावी मैदानमा छन् ।
