Friday, February 23, 2024

हरिपुर्वा नगरपालिकालाई नगर सभा स्थगित गरी स्पष्टीकरण पेस गर्न निर्वाचन आयोगको निर्देशन

ताजा / भरखरै प्राप्त

सर्लाही–सर्लाहीको हरिपूर्वा नगरपालिकालाई बिषेश नगरसभा आयोजना गर्नुपरेको कारणबारे दुई दिन भित्र स्पष्टिकर पेसगर्न आयोगले निर्देशन दिएको छ ।

मंगलावार निर्वाचन आयोगले पत्र लेखेर नगर प्रमुख र प्रशासकीय अधिकृतलाई विशेष नगरसभा स्थगित गरी दुई दिनभित्र स्पष्टीकरण पेस गर्न निर्देशन दिएको हो । नगरपालिकाले यस पहिला असोज १२ गते बिषेश नगर सभा बोलाएको थियो । तर, गणपुरक संख्या नपुगे पछि कात्तिक २ अर्थात बुधवारलाई बिषेश नगर सभा आह्वान गरेको थियो ।

निर्वाचन आचार सहित बिपरित बिषेश नगर सभा आह्वान गरेको भन्दै जनता समाजवादी पार्टी(जसपा)ले आयोगमा उजुरी दर्ता गराएको आयोगले जनाएको हो । सोही उजुरी अनुसार प्रतिनिधि र प्रदेश सभा निर्वाचनका कारण जारी निर्वाचन आचार संहिता विपरित नगर सभा आह्वान गर्नु परेको कारण खुल्ने गरी स्पष्टिकरण पेस गर्न निर्देशन दिएको हो ।

नगर प्रमुख बिनेद कुमार साहले निर्वाचन आयोगबाट पत्र आएको बताए । नगर प्रमुख र प्रशासकिय प्रमुखले जिल्ला स्थित मुख्य निर्वाचन अधिकृतको कार्यलयमा गएर स्पष्टिकरण पेस गर्न सक्ने जिल्ला निर्वाचन कार्यलय सर्लाहीले जनाएको छ । आयोगले पत्रमा निर्वाचन आचारसंहिता, २०७९ को दफा ५ को खण्ड (ख) को प्रतिबन्धात्मक वाक्यांश बमोजिमको अवस्था नपरी आयोगको सहमति बेगर नीति तथा योजना ल्याउन नमिल्ने स्मरण समेत गराएको छ ।

आयोगले स्पष्ट सगँ कात्तिक २ अर्थात (आज) बुधवारको लागि तय गरिएको बिषेश नगर सभा स्थगित गर्न निर्देशन दिएको हो । ‘नेपालको संविधानबमोजिम स्थानीय तहको कार्यकारिणी अधिकार नगरकार्यपालिकाले र व्यवस्थापकीय अधिकार नगरसभाले गर्ने विषयमा कुनै दुईमत छैन । यद्यपी निर्वाचनको सम्मुखमा विशेष अधिवेशन बोलाई नयाँ नीतिगत निर्णय गर्नु निर्वाचन आचारसंहिताको अनुकूल हुँदैन,’ स्पष्टीकरणपत्रमा भनिएको छ ।

यसैविच नगर कार्यपालिकामा रहेका फरक फरक पार्टीका निर्वाचित प्रतिनिधिहरु विच तालमेल नहुदा हरिपुर्वा नगरको सभा अझै हुन सकेको छैन् । नगर सभा सम्पन्न नहुदा नगरको सम्पुर्ण काम कावार्ही समेत प्रभावित भएको छ । नगरको आर्थिक कारोवार ठप्प हुदा कर्मचारी, शिक्षक लगाएतले दशै जस्तो चाडमा समेत तलव पाउन सकेन्न ।

तिन महिना देखी तलव भत्ता नपाएको र निर्वाचन अगाडि पाउने सम्भावना न्युन भएको भन्दै उनीहरु तिन दिन यता बिध्यालय बन्द गरेर नगर पालिका कार्यलयमा धर्नामा बसेका छन् ।

spot_imgspot_img
spot_img

लोकप्रिय

Related Articles