Thursday, June 13, 2024

बागमती युवा क्लवका दुई खेलाडि १५ बर्ष मुनी राष्ट्रिय महिला फुटवल टिममा छनौट

ताजा / भरखरै प्राप्त

सर्लाही–बंगलादेशमा हुने प्रतियोगिताको लागि छनौट गरिएकोे १५ बर्ष मुनीका महिला राष्ट्रिय टिममा बागमती युवा क्लवका दुई खेलाडि छनौट भएका छन् ।

शुक्रवार अखिल नेपाल फुटवल संघ एन्फाले सार्वजनिक गरेको १५ बर्षमुनी उमेर समुहका राष्ट्रिय महिला टिममा बागमती युवा क्लवमा आवद्ध खेलाडि सविता मण्डल र प्रेरणा डोल्मा लामा छनौट भएका हुन् । मुख्य प्रशिक्षक भगवती राना मगरले शुक्रबार क्षेत्रीय प्रतियोगिताका लागि टोलीको घोषणा गरेका हुन् ।

टोलीले नोभेम्बर १ देखि १२ सम्म बंगलादेशमा हुने साफ यू–१५ महिला च्याम्पियनसिपमा प्रतिस्पर्धा गर्नेछ । यस क्लवबाट राष्ट्रिय टिममा यस पहिला पनि महिला तथा पुरुष खेलाडिहरु छनौट भैसकेका छन् । मोफसलको क्लवबाट समेत यसरी राष्ट्रिय टिममा खेलाडि छनौट हुनु खुसीको कुरा भएको क्लवका अध्यक्ष किस्मतराज मैनालीले प्रतिकृया दिए ।

प्रतियोगिताको लागि एन्फाले २३ जना खेलाडि छनौट गरेको छ । राष्ट्रिय टोलीमा छनौट भएका दुवैजना क्लवका अत्यन्त अनुसासित र मेहनती खेलाडि रहेको क्लवका सचिव कुमार प्रधानले जानकारी दिए । प्रतियोगितामा आयोजक बंगलादेशसँगै नेपाल र भुटानले मात्रै सहभागिता जनाउने छन् ।

सेप्टेम्बरमा सातदोबाटोस्थित एन्फा कम्प्लेक्समा भएको केन्द्रीय छनोटमा सुरुमा ६६ खेलाडी प्रवेश गरेका थिए ।

अन्तिम टोली:
गोलकिपरः राधिका ओली, सुजाता तामाङ, रुपा धिमाल
डिफेन्डरः सीता रोकाया, अमिता भुल, दीपा मगर, अञ्जना पुन मगर, प्रेरणा डोल्मा लामा, रेणु लिम्बु, विपना स्नेही
मिडफिल्डरः सिमरन राई, पुनम चेम्जोङ, भावना परियार, सविता मण्डल, भूमिका बुढाथोकी, सुशीला केसी, सुक्रिया मिया, रेविका नेपाली, मनिषा सेन
फरवार्डः दीपा रोकाया, समीक्षा मगर, वर्षा ओली, सेनु परियार
spot_imgspot_img
spot_img

लोकप्रिय

Related Articles