Tuesday, June 25, 2024

बागमती बचत तथा ऋण सहकारीको चौँथो बार्षिक साधारण सभा सम्पन्न

ताजा / भरखरै प्राप्त

बागमती–बागमती बचत तथा ऋण सहकारी संस्था लि.ले चौँथो बार्षिक साधारण सभा सम्पन्न गरेको छ ।

सोमबार बागमती नगरपालिका–४, जिरायत बजार प्रांगणमा एक कार्यक्रमको आयोजना गरी संस्थाले साधारण सभा सम्पन्न गरेको हो । बागमती नगरपालिकाका मेयर भरत कुमार थापाको प्रमुख आतिथ्यतामा साधारण सभा सम्पन्न भएको सहकारी संस्थाका अध्यक्ष एवं कार्यक्रमका सभाध्यक्ष बाशु खड्काले जानकारी दिए ।

संस्थाका पदाधिकारीहरुले आर्थिक र प्रगती प्रतिवेदन प्रस्तुत गरेका थिए । संस्थाको लेखा परिक्षण प्रतिबेदन अनुसार आर्थिक बर्ष २०७८÷०७९ मा ११ करोड २७ लाख ६३ हजार ८ सय ९६ रुपैया बराबरको संस्थाले कारोवार गरेको छ । त्यसबाट ३ लाख १६ हजार ९ सय ८१ रुपैया बराबरको खुद मुनाफा आर्जन गरेको संस्थाका ब्यवस्थापक देव कृष्ण खड्काले जानकारी दिए ।

कार्यक्रममा बागमती नगरपालिकाकी उपमेयर लिला कुमारी मोक्तान, जिल्ला बचत तथा ऋण सहकारी संघ सर्लाहीका अध्यक्ष बाबुराम घिमिरे र जवाहरलाल कुशवाहको बिशिष्ठ आतिथ्यता रहको थियो । बागमती नगरपालिका वडा नम्बर २ का वडाध्यक्ष टेक बहादुर बल, वडा नम्बर ३ का वडाध्यक्ष तिलक मोक्तान, ४ नम्बरका वडाध्यक्ष कृष्ण बहादुर लामा, ७ नम्बरका वडाध्यक्ष दुर्गा बहादुर हेन्जन, ११ नम्बर वडाध्यक्ष प्रदिप आचार्य लगाएतको आतिथ्यता रहेको थियो ।

कार्यक्रममा नेफस्कुन हरिवनका प्रतिनिधि महेश बराल, कर्मैया खानेपानी तथा सरसफाई उपभोक्ता समितिका अध्यक्ष हरिराम काफ्ले, नमुना जनता मावि सोल्टीका बिध्याले ब्यवस्थापन समिति अध्यक्ष कुमार तुम्सिङ, नव जनजागरण मावि राजघाटका बिध्यालय ब्यवस्थापन समिति अध्यक्ष बिर बहादुर खड्का, कमैया आदर्श क्याम्पसका ब्यवस्थापन समिति अध्यक्ष हरि प्रसाद पुडासैनी लगाएतको समेत आतिथ्यता रहेको संस्थाले जनाएको हो ।

बागमती नगरपालिका–११, मा मुख्य कार्यलय रहेको यस सहकारी संस्थाले नगरको बागमती, मिलनचोक, धरहरा, शंकरपुर र खाल्टेमा समेत सेवा केन्द्र संचालन गरेर शेयर सदस्यहरुलाई बित्तिय सेवा प्रदान गर्दै आईरहेको छ । संस्थामा ६ हजार ६ सय २५ महिला र ३ हजार ६ सय ९१ पुरुष गरी कुल १० हजार ३ सय १६ जना शेयर सदस्यहरु आवद्ध छन् ।

spot_imgspot_img
spot_img

लोकप्रिय

Related Articles