Friday, February 23, 2024

प्रहरीले फाईल अदालतमा बुझायो, कमेडियन अपूर्व फेरि थुनामा

ताजा / भरखरै प्राप्त

नेवारी संस्कृतिमाथि स्ट्यान्डअप कमेडी गरेर विवादमा तानिएका अपूर्व क्षितिज सिंहलाई फेरी थुनामा राखिएको छ ।

पेसाले चार्टर्ड एकाउन्टेन्ट र सोखले कमेडियन अपूर्व क्षितिज सिंहलाई केही दिन छाडेर प्रहरीले फेरि हिरासतमा लिएको हो । नेवारी संस्कृतिमाथि अपूर्वले गरेको स्ट्यान्डअप कमेडीविरुद्ध उजुरीका कारण अपूर्व दसैंअघि नै १२ दिन थुनामा परिसकेका थिए । चार वर्षदेखि धेरै पटक धेरै ठाउँमा नेवार साथीहरूकै माझमा देखाएको स्ट्यान्डअप कमेडीको भिडियो युट्युबमा सार्वजनिक भएपछि उनी विवादमा आएका थिए ।

नेवार संस्कृति अभियन्ताहरुले आपत्ति व्यक्त गरेपछि उनले तत्काल माफी माग्दै भिडियो हटाएका थिए । माफी मागेको भिडियो युट्युबमा अपलोड गरेपछि अभियन्ता र प्रहरीले क्षमा देलान् भनेर प्रहरी वृत्त टेकु पुगेका उनलाई प्रहरीले पक्राउ गरेर थुनामा राखेको थियो । पटक पटक माफी माग्दा समेत अभद्र व्यवहार गरेको देखि साम्प्रदायिक सद्भावमा खलल परेका लगायत आरोपमा उनी माथि दर्ज बढी उजुरी दर्ता भएको छ ।

१२ दिनसम्म निवेदकहरूलाई हात जोड्दा पनि छोरालाई छुटाउन नसकेको उन्का बुवा जयशंकर सिहले गुनासो गरे । थुनामै रहँदा कोभिड संक्रमण भएपछि प्रहरीले हाजिरी जमानीमा छाडिदिएको थियो । त्यतिखेर अपूर्व र बाबु दुवैलाई अब मुद्दा सामसुम भयो भन्ने लागेको थियो । हाजिर जमानीमा छुटे पनि अपूर्वलाई प्रहरी चौकीमा रहेको फाइलले तनाव दिई नै रहेको पारिवारी श्रोतको भनाई छ ।

मुद्दा टुंगो लगाउन बाबु जयशंकर सहित मंगलबार प्रहरीकहाँ पुगेका अपूर्वलाई प्रहरीले पुनः थुनामा राखेको हो । जानेबित्तिकै जिल्ला सरकारी वकिलले अपूर्वको मुद्दामा जिल्ला अदालतबाट पक्राउ पुर्जीको म्याद थप गर्न लगाएको र प्रहरीले उनलाई हिरासतमा लिएको बुबा जयशंकरले बताए । फेरि हतकडी लगाउने पुरानै हालतमा छोरा पुगेपछि न्याय संयन्त्रमै जयशंकरको मनमा शंका बढेको छ ।

नेवार समुदायका सयौं युवायुवतीले नै अपूर्वको शीघ्र रिहाइको अपिल गर्दै उनको युट्युब भिडियोमा प्रतिक्रिया दिएका छन् । अपूर्वमाथिको कारबाहीलाई प्रहरीले भने सामान्य प्रक्रिया भनेको छ । प्रहरीले मुद्दा चलाउने रायसहित मंगलबार सरकारी वकिलको कार्यालयमा अपूर्वको फाइल बुझाएको छ । अब मुद्दाको प्रकृति हेरी केही फाइल सीडीओ कार्यालयमा र केही जिल्ला अदालतमा पेस गरिने भएको छ । त्यतिन्जेल अपुर्व भने हिरासतमै रहने प्रहरीले जनाएको छ ।

spot_imgspot_img
spot_img

लोकप्रिय

Related Articles