सर्लाही–कालिन्जोर घारिबथानमा सम्पन्न प्रथम मधेश प्रदेश पुरुष भलिबलको उपाधि धनुषाले जितेको छ ।
शनिबार साँझ ईश्वरपुर नगरपालिका–१२, घारिबथानस्थित वडा कार्यालयको खेल मैदानमा भएको फाइनल भीडन्तमा सर्लाहीलाई ३–० को सोझो सेटमा पराजित गर्दै धनुषा बिजेता बनेको हो । जितसँगै धनुषाले एक लाख १ हजार नगदसहित शिल्ड, मेडल र प्रमाण–पत्र प्राप्त गरेको छ । भने, उपबिजेता बनेको सर्लाहीले ७५ हजार, शिल्ड र मेडलमा चित्त बुझाएको छ ।
त्यस्तै, बारालाई ३–० को सोझो सेटमा पराजित गरी तेस्रो भएको महोत्तरीले २५ हजार सहित शिल्ड मेडल हात पार्यो । प्रतियोगिताको बिजेता, उपबिजेता, तेस्रो भएको टिम र उत्कृष्ट खेलाडीलाई ईश्वरपुर नगरपालिकाका मेयर मनोजकुमार आचार्य, कालिन्जोरका वडाध्यक्ष देविबहादुर खत्री, आयोजक कालिन्जोर युवा समूहका अध्यक्ष सुवास खड्का लगायतले सम्यूक्तरुपमा पुरस्कार वितरण गरे ।
जिल्लाको उत्तर पूर्वी चुरेभेगमा पर्ने कालिन्जोरका युवाले सहयोग संकलन गरेर पहिलो पटक प्रदेश स्तरिय भलिवल प्रतियोगिता सम्पन्न गरेका हुन् । प्रतियोगितामा प्रदेशका आठ वटै जिल्लाका टिम सहभागि भएका प्रतियोगिताको आर्थिक समितिका संयोजक भिम खड्काले जानकारी दिए ।
यसैविच लालबन्दीमा जारी वडाध्यक्ष कप फुटवल प्रतियोगिताको उपाधि नगरपालिका–१६ परवानिपुरले हातपारेको छ ।
शनिबार सम्पन्न फाईनल खेलमा वडा नम्बर–६, लाई २–० गोलले पराजित गर्दै वडा नम्बर–१६ दोस्रो पटक च्याम्पियन बनेको हो । वडा नम्बर–१६, गत वर्ष लालबन्दी–१, नवलपुरमा सम्पन्न चौंँथो वडाध्यक्ष कपको डिफेन्डीङ च्याम्पियन समेत हो । यस पटक घरेलु मैदानमा भएको प्रतियोगिताको उपाधि समेत रक्ष ागर्न सफल भएको हो ।
विजयी वडा १६ नम्बरले टिमले ७० हजार नगद, कप, मेडल र प्रमाण–पत्र प्राप्त गरेको छ । भने, उपबिजेता वडा नम्बर–६, ले ३५ हजार रुपैयाँमा चित्त बुझायो । प्रतियोगिताको बिजेता तथा उपबिजेता र उत्कृष्ट खेलाडीलाई लालबन्दी नगरपालिकाकी उपमेयर कल्पनामाया पाख्रिन, वडाध्यक्ष गणेशबहादुर थापा लगायतले पुरस्कार वितरण गरे ।
असोज ५ गते भब्य समारोहका विच सुरु भएको प्रतियोगितामा लालबन्दी नगरपालिका भित्रका १७ वटै वडा सहभागि भएका थिए ।
