Wednesday, February 21, 2024

पार्टी छाडिसकेका खड्का र वान्तवालाई एमाले लालबन्दी नगर कमिटिद्वारा कार्वाही

ताजा / भरखरै प्राप्त

लालबन्दी–पार्टी परित्याग गरिसकेका दुई जनालाई नेकपा एमाले लालबन्दी नगर कमिटिले कार्वाही गरेको घोषणा गरेको छ ।

यस पहिला नै पार्टी छाडिसकेका निर्वमान मेयर मान बहादुर खड्का र जिल्ला कमिटि सदस्य ललिता कुमारी वान्तवा(सारदा)लाई पार्टी विधान विपरित गतिविधि गरेको भन्दै सोमवार विज्ञप्ती प्रकाशित गर्दै नेकपा एमाले लालबन्दी निगर कमिटिले कार्वाहीको घोषणा गरेको हो । उनीहरुले पार्टीको विधान बिरुद्ध गएर गतिविधि गरेको विज्ञप्तीमा उल्लेख गरिएको छ ।

दुबैजनामलाई पार्टीको सधारण सदस्य समेत नरहने गरी कार्वाही गरी पार्टीबाट निष्काशन गरिएको अभिलेख कायम गर्न जिल्ला कमिटिलाई अनुरोध गरिएको छ, नगर अध्यक्ष बिक्रम भण्डारीद्वारा हस्ताक्षरित विज्ञप्तीमा उल्लेख छ । आईतवार लालबन्दी स्थित मदन–आश्रित स्मृती भवनमा बसेको पार्टीको नगर कमिटि बैठकले उनीहरु दुवैजनालाई पार्टीबाट निस्कासन गर्ने निर्णग गरेको थियो ।

विज्ञप्तीमा भनिएको छ, ‘लालबन्दीका निवर्तमान मेयर मान बहादुर खड्काले पार्टी विधान २०४९ को धारा उपधारा ३, ४, ५ र ६ बमोजिम कसुर गरी पार्टी निर्णय विपरित सर्लाही क्षेत्र नम्बर १ प्रतिनिधि सभा सदस्य पदमा वागी उमेदवार बनी पार्टीको प्रतिस्ठा र मर्यादामा आँच आउने काम गरेकाले निजको सांगठनिक सदस्यता खारेज गरी साधारण सदस्यता समेत नरहने गरी पार्टीबाट निष्कासन गरेको अभिलेख कायम गर्न जिल्ला कमिटि सर्लाहीलाई अनुरोध गर्द छौँ ।’

‘यस्तै पार्टीकी जिल्ला कमिटि सदस्य लालिता कुमारी वान्तवा(शारदा)ले पार्टी विधान २०४९ को धारा ८० को उपधारा १, २, ३, ४ र ५ बमोजिम कृयाकलाप गरेको पाहिएकोले निजलाई पार्टी सदस्य तथा जिल्ला कमिटि सदस्य पटबाट निष्काशन गरी अभिलेख कायम गर्न जिल्ला कमिटिलाई अनुरोध गर्दछौ ।’ यस्तै सोही निर्णयले पार्टी विधान विपरित कार्यमा संलग्नहरुलाई एक पटकलाई सुध्रिने मौका दिने र त्यस पछि पनि नसुध्रिय विधान बमोजिम कार्वाही गरिने चेतावनी दिएको छ ।

यसैविच पार्टीले कार्वाही गरेको भनिएका दुवै जनाले यस पहिलानै पार्टी परित्याग गरेको घोषणा गरिसकेका छन् । २०७४ मा नेकपा एमालेबाट लालबन्दी नगरको मेयरमा निर्वाचित निर्वतमान मेयर मान बहादुर खड्काले उम्मेदवारी दर्ता गरेको भोली पल्टै पत्रकार सम्मेलन गरेर आफु स्वतन्त्र रहेको घोषणा गरेका थिए । उनले पार्टी परित्याग गरेको घोषणा गर्दै आगामि दिनमा स्वतन्त्र रहेर नागरिकको सेवागर्ने उदघोष गरेका थिए ।

यस्तै ललिता कुमारी वान्तवा(शारदा)ले पनि केही दिन पहिलामात्र सामाजिक संजालमार्फत पार्टी परित्यागको आसय सहितको अभिब्यक्ती सार्वजनिक गरेकी थिईन् । सामाजिक संजाल मार्फत पार्टीलाई आफु कुनै पनि पदमा नरहने घोषणा गरेकी हुन् । यसरी पार्टी छाडेर स्वतस्फुर्त रुपमा बाहिरिएका तथा पार्टी परित्याग गरि सकेका ब्यक्तिलाई कार्वाहीको अभिलेख नाटक मात्र भएको उनीहरुको प्रतिकृया छ ।

spot_imgspot_img
spot_img

लोकप्रिय

Related Articles