क्षितिज विश्वकर्मा, लालबन्दी–सर्लाही निर्वाचन क्षेत्र नम्बर १ का प्रदेश र प्रतिनिधि सभाका सदस्य उम्मेदवारले जनताको चाहाना अनुसार उम्मेदवारी दिएको दावी गरेका छन् ।
बिहिवार लालबन्दीको एक होटलमा पत्रकार सम्मेलन आयोजना गरेर प्रतिनिधि सभा सदस्यका उम्मेदवार निवर्तमान मेयर मान बहादुर खड्का र प्रदेश सभा सदस्य उम्मेदवार निवर्तमान वडाध्यक्ष राजन श्रेष्ठले जनताको चाहाना अनुसार नै स्वतन्त्र उम्मेदवारी दिएका थिए । दुवै जनाले उम्मेदवारी दर्ताकै अवस्थामा पार्टी परित्याग गरिसकेको समेत पत्रकार सम्मेलन मार्फत जानकारी दिए ।
खड्का २०७४ को स्थानीय तह निर्वाचनमा नेकपा एमालेबाट लालबन्दी नगरपालिको मेयरमा निर्वाचित भएका थिए । भने, श्रेष्ठ माओवादी केन्द्रबाट सोही नगरको वडा नम्बर ८ को वडाध्यक्षमा निर्वाचित भएका थिए । दुवै जनाले पार्टीले टिकट नदिएपछि रुष्ट भएर बागी उम्मेदवारी दिएका श्रोतले दावी छ । उनीहरुल पत्रकार सम्मेलन गर्दै आफुहरु जनताको उम्मेदवार बनेको बताए । पार्टीले टिकट नदिए पनि जनताको चाहाना र भावना अनुसार उम्मेदवारी दिएको उनीहरुको दावी छ ।
आफुहरुको उम्मेदवारीको कुरालाई लिएर विभिन्न संचार माध्यममा भ्रामक र कपोकल्पीत समाचार संप्रेषण भएको प्रति आपत्ति प्रकट गर्दछौ । प्रतिनिधि सभा सदस्यका उम्मेदवार खड्काले भने, हामी पुर्ण स्वतन्त्र उम्मेदवार हौँ । हामीलाई कसैको प्रत्यक्ष वा परोक्ष कुनै समर्थन रहेको भनेर नाम जोडिएको कुरामा कुनै सत्यता छैन् । खड्काले क्षेत्र नम्बर १ बाट प्रतिनिधि सभा सदस्य र श्रेष्ठले सोही क्षेत्रको (ख) बाट प्रदेश सभा सदस्यको उम्मेदवारी दर्ता गराएका हुन् ।
दुवैजनाले आफुहरुलाई केही नेताको ब्यक्तिगत स्वार्थको कारण जनभावना विपरित आफुहरुलाई टिकट नदिएको आरोप लगाएका छन् । स्थानीय मतदाता, बुद्धिजिवी, समाजसेवी लगाएतको सरसल्लाह बमोजिम स्वतन्त्र उम्मेदवारी दिएको उनीहरुले बताए । आफुहरु बिशुद्ध स्वतन्त्र उम्मेदवार भएको र विजयी भए पश्चात पनि स्वतन्त्र नै रहने प्रतिबद्धता ब्यक्त गरे ।
मंसिर ४ गते हुने निर्वाचनको लागि प्रतिनिधिसभा सदस्य उम्मेदवार खड्काले पुतली चुनाव चिन्ह र प्रदेशसभाका उम्मेदवार श्रेष्ठले जेब्रा अर्थात बनघोडा चुनाव चिन्ह लिएर चुनावी प्रचारप्रशारमा जुटेका छन् ।
