Thursday, June 13, 2024

चौँथो राजघाट कप फुटवल : सेभेन स्टार र हरिवन विजयी

ताजा / भरखरै प्राप्त

बागमती–सर्लाहीको राजघाटमा जारी प्रदेश स्तरिय चौँथो राजघाट कप फुटवलमा सेभेन स्टार र हरिवन यूवा क्लव विजयी भएका छन् ।

प्रतियोगिता अन्तरगत शुक्रवार दुई वटा खेल सम्पन्न भएको थियो । दुवै खेलको निर्णय सडन डेथबाट निकालिएको थियो । पाहिलो खेलमा घुर्कौली यूवा क्लव घुर्कौलीलाई सडन डेथमा १०–११ गोल अन्तरले पराजित गर्दै सेभेन स्टार यूवा क्लव हजरिया विजयी भएको हो ।

प्रतियोगिता अवधी भर दुवै टोलीबाट गोल हुन नसके पछि खेल ट्राईबे्रकरमा गएको थियो । त्यसमा समेत बराबरी गोल भएपछि खेलको निर्णय सडन डेथबाट निमालिएको क्लवका अध्यक्ष कृष्ण वाईबाले जानकारी दिए । उनका अनुसार यस खेलको म्यान अफ द म्याच सेभेन स्टारका खेलाडि बिशाल लामाले प्राप्त गरेका छन् ।

यस्तै प्रतियोगिता अन्तरगतको दोस्रो खेलमा सगरमाथा यूवा क्लव चपुरलाई सडन डेथमा १०–११ गोल अन्तरले पराजित गर्दै हरिवन यूवा क्लव हरिवन विजयी भएको छ । यस खेलमा पनि दुवै तर्फबाट गोल हुन नसकेपछि खेल ट्राईबे्रकरमा धकेलिएको थियो । त्यसमा पनि बराबरी भएपछि खेलको निर्णय सडनडेथबाट लिईएको हो ।

यस प्रतियोगितामा हरिवन यूवा क्लवका गोल किप्पर प्रशान्त तामाङ उत्कृष्ठ खेल प्रदर्शन गरेबापत म्यान अफ द म्याच घोषित हुदै ट्रफी चुम्न सफल भए । आयोजकका अनुसार शनिवार आयोजक समाजसेवा यूवा क्लव बागमती र आकाश दिप यूवा क्लव बरहथवा विच प्रतिष्पर्धा हुनेछ । यो सगैँ प्रतियोगिताको प्रि क्वाटर फाईन खेल सम्पन्न हुने आयोजकले जनाएको हो ।

आईतवारबाट क्वाटर फाईन खेल सुरु हुने छ । प्रतियोगितामा सर्लाही सहित रौतहट, बारा र धनुषाका समेत गरी १६ वटा टिमले भाग लिएका छन् । कात्तिक १४ गते फाईनल हुने खेलका विजेताले १ लाख १ हजार १ सय ५१ रुपैया र उपबिजेता टोलीले ५१ हजार १ सय ५१ रुपैया शिल्ड, मेडल र प्रमाण पत्र प्राप्त गर्ने आयोजक क्लवले जनाएको हो ।

spot_imgspot_img
spot_img

लोकप्रिय

Related Articles