बागमती– राजघाटमा जारी प्रदेश स्तिरीय चौँथो राजघाट कप फुटवलमा लालबन्दी–११ र रौतहटको झम्केश्वरी क्लव विजयी भएको छ ।
बुधवार सर्लाहीको बागमती–६, लालबहादुर टोल खेल मैदानमा सम्पन्न दुई वटा प्रतियोगितामा लालबन्दी–११ र रौतहटको झम्केश्वरी युवा क्लव विजयी भएको छ । प्रतियोगिता अन्तरगतको पहिलो खेलमा आयोजक समाज सेवा युवा क्लवलाई २–० गोल अन्तरले पराजित गर्दै झम्केश्वरी विजयी भएको हो ।
झम्केश्वरीका लागि बिशाल घलानले ब्यक्तिगत दुई गोल गरेका आयोजकले जनाएको हो । घलानको गोलबाट पहिलो हाफमा १–० को अग्रता बनाएको झम्केश्वरीले खेलको दोस्रो हाफमा ब्यक्तिगत दोस्रो गोल गर्न सफल भए । भने, आयाजक समाज सेवाले निकै राम्रो खेल प्रदर्शन गरेपनि गोलगर्न भने सकेन ।
यस प्रतियोगिताको म्यान आफ दि म्याच घोषित हुदै रौतहटका बिशाल घलानले ट्रफि चुमे ।
यस्तै प्रतियोगिता अन्तरगतको दोस्रो खेलमा लालबन्दी लक्कि सावित भएको छ । खेल अवधी र ट्राईब्रेकरमा समेत बराबरी भएपछि खेलको निर्णय सडन डेथबाट लिईएको थियो । सडन डेथमा ६–५ गोल अन्तरको जित निकाल्दै लालबन्दी–११, विजयी भएको हो ।
प्रतियोगिताको पहिलो हाफ सम्म लालबन्दी–११, १–० को अगाडि बनेको थियो । दोस्रो हाफमा बराबरी गोल गर्दै योङ ब्वईज युवा क्लवले खेलमा पुनरागमन गरेको थियो । खेल अवधि भरी दुवै टोलीबाट १–१ गोलको बराबरी भएपछि खेल ट्राईब्रेकरमा धकेलिएको थियो । त्यसमा समेत बराबरी गोल भएपछि सडन डेथमा लालबन्दी भाग्यमानी सावित भएको हो ।
प्रतियोगिताको म्यान आफ द म्याच घोषित हुदै लालबन्दी–११, का दिपक मगरले ट्रफी जितेका छन् । आयोजकका अनुसार बिहिवारको पहिलो खेल सुनौलो युवा क्लव डुम्जनटोल र ढल्केवर युवा क्लव ढल्केवार विच प्रतिस्पर्धा हुनेछ । भने, दोस्रो खेलमा हिरापुर युवा क्लव हिरापुर र अन्नपुर्ण सहारा युवा क्लव धरहरा विच खेल हुने भएको छ ।
प्रतियोगिताको मंगलवार बागमती नगरपालिकाकी उपमेयर लिला कुमारी मोक्तानले उदघाटन गरेकी थिईन् । खेलको माध्यमबाट राजघाटको पहिचान देश विदेश सम्म फैलाउने र स्थानीय युवाहरुलाई खेल प्रति आकर्षित गर्न बर्षेनी प्रतियोगिता आयोजना गर्दै आएको क्लवका अध्यक्ष कृष्ण वाईबाले बताए ।
प्रतियोगितामा सर्लाही सहित रौतहट, बारा र धनुषाका समेत गरी १६ वटा टिमले भाग लिएका छन् । कात्तिक १४ गते फाईनल हुने खेलका विजेताले १ लाख १ हजार १ सय ५१ रुपैया र उपबिजेता टोलीले ५१ हजार १ सय ५१ रुपैया शिल्ड, मेडल र प्रमाण पत्र प्राप्त गर्ने आयोजक क्लवले जनाएको हो ।
