Wednesday, February 21, 2024

चौँथो राजघाट कप फुटवल : मुर्तिया युवा क्लवको विजयी सुरुवात

ताजा / भरखरै प्राप्त

बागमती– सर्लाहीको बागमती नगरपालिका स्थित राजघाटमा जारी प्रदेश स्तिरीय चौँथो राजघाट कप फुटवलमा मुर्तिया युवा क्लवले विजयी सुरुवात गरेको छ ।

मंगलवार सम्पन्न उदघाटन खेलमा बाराको चिसापानी युवा क्लवलाई २–१ गोल अन्तरले पराजित गर्दै सर्लाहीको मुर्तियाले विजयी सुरुवात गरेको हो । खेलको पहिलो हाफमा मुर्तिया युवा क्लवको तर्फबाट पहिलो गोल भएको थियो । पहिलो हाफमा १–० ले अग्रता कायम गरेको मुर्तियाको लागि दोस्रो हाफमा भएको गोल जितका लागि निर्णयक बन्यो ।

खेलको दोस्रो हाफमा १ गोल गरेपनि थप गोल गर्न नसक्दा बाराको चिसापानी युवा क्लव खेलमा फर्कन सकेन । र अन्तत २–१ गोल अन्तरले पराजित हुन पुग्यो । प्रतियोगितामा दुवै टोली निकै कडा प्रतिस्पर्धामा देखिएका थिए । यस्तै मंगलवारको प्रतियोगिताको म्यान अफ दि म्याच चिसापानी युवा क्लवका गोल किप्पर रविन बस्नेत घोषित हुदै पुरस्कार प्रप्त गर्न सफल भए ।

यस्तै बुधवारको प्रतियोगितामा दुईवटा खेल हुने भएको छ । पहिलो खेलमा दिउसो १ बजे झम्कोश्वरी युवा क्लव रौतहट र आयोजक समाजसेवा युवा क्लव विच प्रतिस्पर्धा हुने भएको छ । भने, दोस्रो खेलमा दिउसो ३ बजे योङ ब्वईज युवा क्लव र लालबन्दी–११ बिच प्रतिस्पर्धा हुने आयोजकले जनाएको हो ।

प्रतियोगिता बागमती नगरपालिका–६, लालबहादुर टोल खेल मैदान राजघाटमा संचालन भईरहेको हो । प्रतियोगिताको मंगलवार बागमती नगरपालिकाकी उपमेयर लिला कुमारी मोक्तानले उदघाटन गरेकी थिईन् । खेलको माध्यमबाट राजघाटको पहिचान देश विदेश सम्म फैलाउने र स्थानीय युवाहरुलाई खेल प्रति आकर्षित गर्न बर्षेनी प्रतियोगिता आयोजना गर्दै आएको क्लवका अध्यक्ष कृष्ण वाईबाले बताए ।

प्रतियोगितामा सर्लाही सहित रौतहट, बारा र धनुषाका समेत गरी १६ वटा टिमले भाग लिएका छन् । कात्तिक १४ गते फाईनल हुने खेलका विजेताले १ लाख १ हजार १ सय १ रुपैया र उपबिजेता टोलीले ५१ हजार १ सय ५१ रुपैया शिल्ड, मेडल र प्रमाण पत्र प्राप्त गर्ने आयोजक क्लवले जनाएको हो ।

spot_imgspot_img
spot_img

लोकप्रिय

Related Articles