सर्लाही–जिल्ला प्रशासन कार्यलय सर्लाहीले चाडपर्वको नाममा अवाञ्चित गतिविधि नगर्न चेतावनी दिएको छ ।
आईतवार एक शुभकामना पत्र जारी गर्दै जिल्ला प्रशासन कार्यलय सर्लाहीले सस्कृति र परम्परा अनुसारमात्र हर्षोल्लासका साथ चाडपर्व मनाउन आग्रह गरेको हो । चाडपर्व मनाउने नाममा आतिसवाजी, रकेट, पटका जस्ता बारुद जन्य पदार्थको प्रयोग नगर्न, चर्को आवाजमा (डिजे) बाजा नबजाउन, आर्केष्ट्रा नचाउने, होहल्ला गर्ने, जुवा तास खेल्ने जस्ता अवाञ्चित कार्य नगर्न नगराउन आह्वान गरेको हो ।
यस्ता गतिविधिले समाजमा बिकृती विसंगती बढ्ने, विभिन्न घटना दुर्घना हुने र अतिप्रज्वलनसिल पदार्थ बारुदको प्रयोगले आगलागि जन्य घटनाहुने गरेकोले सचेत रहन शुभकामना सन्देश मार्फत आग्रह गरिएको छ । यस्ता गतिविधि गाउँ छरछिमेकमा भए गरेको पाहिए नजिकैको प्रहरी कार्यलयमा खवर गरेर सचेत नागरिकको भुमिका निर्वाह गरिदिन समेत प्रशासन कार्यलयले जिल्लावासीमा आग्रह गरेको छ ।
साथैै हिन्दुहरुको महान पर्व शुभ दिपावली र छठको अवसरमा देश तथा विदेशमा रहेका सम्पुर्ण जिल्लावासीमा सुख, शान्ति, समृद्धी र दिर्घायुको हार्दिक मंगलमय शुभकामना ब्यक्त गर्दछौ, प्रमुख जिल्ला अधिकारी थानेश्वर गौतमद्वारा हस्ताक्षरित शुभकामना सन्देशमा भनिएको छ ।
यसैविच जिल्ला प्रशासन कार्यलय सर्लाहीले ईजाजत प्राप्त हतियार बुझाउने समयावधी थप गरेको छ ।
आईतवार एक सूचना जारी गर्दै ईजाजत प्राप्त हतियार बुझाउने मिति कात्तिक २० गते सम्म थप गरेको हो । यस पहिला कात्तिक ५ गते सम्मका लागि हातहतियार बुझाउने मिति तोकिएको भए पनि यसलाई कात्तिक २० गते सम्म थप गरिएको जिल्ला प्रशासन कार्यबाट जारी गरिएको सूचनामा उल्लेख गरिएको छ ।
यस्ता ईजाजत प्राप्त हतियार नजिकैको प्रहरी कार्यलयमा लगेर बुझाउन सकिने सूचनामा उल्लेख गरिएको छ । प्रमुख जिल्ला अधिकारी थानेश्वर गौतम द्वारा हस्ताक्षरित सूचनामा भनिएको छ, मंसिर ४ गते हुन गईरहेको आशन्न प्रतिनिधि र प्रदेश सभा निर्वाचन निष्पक्ष र शान्तिपुर्ण रुपमा सम्पन्न गर्न यस्ता हात हतियार बुझाई दिनुहुन अनुरोध गर्दछौँ ।
