चन्द्रनगर–सर्लाहीको चन्द्रनगर गाउँपालिकाका स्थित कामदका बिध्यार्थीहरुको गाउँकै बिध्यालयमा १२ कक्षा सम्म पढ्ने सपना पुराहुने भएको छ ।
गाउँपालिकाका अध्यक्ष राज कुमार महतोको अथक प्रयास पछि विगत १५ बर्ष देखीको सपना पुराहुन लागेको स्थानीयले बताए । गाउँमा १० कक्षा सम्मको मात्र बिध्यालय हुदा उक्त गाउँपालिकाको वडा नम्बर ६ र ७ का बिध्यार्थी ११ र १२ कक्षा पढ्न गाउँबाट निकै टाडाको बिध्यालय धाउन बाध्य थिए । यसरी टाडाको स्कुल जानु पर्ने भएपछि धेरैले पढाई बिचमै छाड्ने गरेका स्थानीयको कथन छ ।
गाउँमै ११ र १२ कक्षा समेत संचालन हुने भएपछि स्थानीय हर्षित भएका छन् । ‘अब हाम्रो गाउँमा पनि पढेक मान्छेको धेरै हुने भए ।’ स्थानीय राम चरन माझीले भने, ‘यस पहिला गाउँबाट निकै टाडा पढन जानु पर्ने बाध्यता थियो । त्यसले गर्दा धेरै अभिभावकले आफ्ना बालबालिकालाई स्कुल नपठाउने गरेका थिए । अब गाउँमै स्कुल खुले पछि ११, १२ सम्म त पढाउनै पर्यो ।’
गाउँपालिकाको ६ नम्बर वडामा रहेको श्री मरिचीमान माध्यमिक विधालयमा प्लस टु अर्थात कक्षा ११ र १२ को अध्यापन शुरु गरिने भएको हो । यस बिध्यालयमा यस पहिला १० कक्षा सम्म मात्र पढाई हुदै आएको थियो । २०६४ साल देखि गाउँको बिध्यालयमा तत्कालिन उच्च शिक्षा अर्थात १० प्लस टु संचालन गर्ने प्रयास गरेको अभिभावकहरुको भनाई छ ।
यस पहिलाका जनप्रतिनिधिलाई समेत कक्षा ११ र १२ संचालनको लागि पहल गरिदिन आग्रह गरिएको भएपनि अहिले आएर सपना पुरा भएको स्थानीय अभिभावक मन्जुु सिंहले बताईन् । गत वैशाख ३० गते सम्पन्न स्थानीय तहको निर्वाचन पछि गाउँपालिकामा अध्यक्ष राज कुमार महतोको नेतृत्वमा जनप्रतिनिधि आएका थिए ।
यस बिध्यालयमा कक्षा ११ र १२ संचालनको पहिलो काम लिएर अगाडि बढेका प्रतिनिधिले सफलता प्राप्त गरेका गाउँपालिकाले जनाएको हो । यसरी गाउँकौ बिध्यालयमा अध्यापन ११ र १२ पढन पाउने बातावरणले पालिकाको शैक्षिक स्थर उकास्न मद्त पुग्ने स्थानीयको अपेक्षा छ । गाउँपालिकाले यस पहिलानै १२ कक्षा सम्म अध्यन गरेर विवाह गर्ने यूवतीलाई विमा रकम उपलब्द गराउने ब्यवस्था समेत घोषणा गरिसकेको छ ।
गाउँमा रहेका बिध्यालयको स्तरउन्नती गर्दै कक्षा १२ सम्मको अध्यन गराउने बिषयलाई गाउँपालिका अध्यक्ष महतोले उच्च प्राथमिकतामा राखेका थिए । उक्त प्रक्रिया पुरागर्न निकै असहयोग भएको पालिका प्रमुख महतोले गुनासो गरे ।
