बागमती-सस्कृती संरक्षण तथा स्थानीय उत्पादन प्रवर्दनको उद्देश्य सहित बर्षेनी आयोजना हुदै आएको ईन्द्रजात्रा मेला महोत्सव–२०७९, सुरु भएको छ ।
बागमती नगरपालिका–८, सोल्टीमा हरेक बर्ष आयोजना हुदै आएको ईन्द्रजात्रा मेला महोत्सवको शुक्रवार विधिवत उद्घाटन हुन लागेको हो । २४, २५ र २६ गरी तिन दिन संचालन हुने महोत्सवको प्रमुख जिल्ला अधिकारी थानेश्वर गौतमले उद्घाटन गर्ने कार्यक्रम रहेको मेला समितिका संयोजक धु्रव चौलागाईले जानकारी दिए ।
आयोजकका अनुसार महोत्सवको उद्घाटन कार्यक्रम साझ ६ बजेका लागि तय गरिएको छ । मेला महोत्सवमा राष्ट्रिय तथा स्थानीय स्तरका कलाकारहरुको समेत प्रस्तुती रहने आयोजकले जनाएको हो । मेलाको पहिलो दिन शुक्रवार औपचारिक उद्घाटन पछि राष्ट्रिय कलाकार गायक प्रकाश सपुत, गायिका रजिना रिमाल, कलाकार जिग्री र पाडे लगाएतको प्रस्तुती रहने छ ।
यस्तै दोस्रो दिन शनिवार आर्केष्ट्रा डान्स र तेस्रो तथा अन्तिम दिन दिउसो कुस्ती प्रतियोगिता र साझबाट प्रदेश स्तरिय खुल्ला नृत्य प्रतियोगिता हुने आयोजक सोल्टी यूवा क्लवले जनाएको हो । प्रतियोगितामा प्रथम हुनेले नगद ५१ हजार शिल्ड र प्रमाणपत्र, दोस्रो हुनेले ३१ हजार शिल्ड प्रमाण पत्र, तेस्रो हुनेले २१ हजार शिल्ड र प्रमाणपत्र तथा सान्तोना पुरस्कार नगद ५१ सय शिल्ड र प्रमाणपत्र रहेको आयोजकले जनाएको हो ।
साथै महोत्सवमा रोटेपिङ, कोलम्बस, मौतका कुवा, सर्कस, जादु लगाएतका मनोरंजनको समेत ब्यवस्था छ । शुक्रवारको उद्घाटन कार्यक्रममा संविधान सभा सदस्य हरि उप्रेती, बागमती नगरपालिकाका मेयर भरत कुमार थापा, उपमेयर लिला कुमारी मोक्तान, जिल्ला प्रहरीका प्रमुख एसपी प्रविण पोखरेल लगाएतको उपस्थिती रहने महोत्सव आयोजक समिति संयोजक चौलागाईले जानकारी दिए ।
