बागमती– संस्कृति संरक्षण तथा स्थानीय उत्पादन प्रवर्दनको उद्देश्य सहित बागमतीमा ईन्द्रजात्रा मेला महोत्सवको सुरु भएको छ ।
शुक्रवार महोत्सवको संविधान सभा सदस्य नरेन्द्र साहले उद्घाटन गरेका हुन् । हरेक बर्ष संचालन हुदै आएको महोत्सव यस बर्ष पनि ३ दिन संम्म संचालन हुने आयोजक सोल्टी युवा क्लवले जनाएको छ । बागमती नगरपालिका–८, शंकरपुर स्थित सोल्टी बजारमा मेला महोत्सवको भब्यताको साथ उदघाटन गरिएको आयोजकले जनाएको छ ।
४९ औँ ईन्द्रजात्रा मेला महोत्सवको पहिलो दिन शुक्रवार उद्घाटन पछि राष्ट्रिय तथा स्थानीय स्तरका कलाकारहरुको प्रस्तुती रहेको थियो । कार्यक्रममा गायक प्रकाश सपुत, गायिका रजिना रिमाल, क्रान्तीकारी गायक चेतन सापकोटा लगाएतले प्रस्तुती राखेका आयोजक समारोह समितिका संयोजक धु्रव चौलागाईले जानकारी दिए ।
यस्तै दोस्रो दिन शनिवार आर्केष्ट्रा डान्स र तेस्रो तथा अन्तिम दिन आईतवार दिउसो कुस्ती प्रतियोगिता तथा साझबाट प्रदेश स्तरिय खुल्ला नृत्य प्रतियोगिता संचालन हुने आयोजक सोल्टी यूवा क्लवले जनाएको हो । प्रतियोगितामा प्रथम, द्वितिय, तृतिय र सान्तोनाहुनेलाई क्रमश नगद ५१ हजार, ३१ हजार, २१ हजार र ५१ सय सहित शिल्ड, मेडल र प्रमाणपत्र प्रदान गरिने आयोजकले जनाएको हो ।
यस्तै मेला महोत्सवमा रोटेपिङ, कोलम्बस, मौँतका कुवा, सर्कस, जादु लगाएतका मनोरंजनको समेत ब्यवस्था गरिएको सोल्टी युवा क्लवका अध्यक्ष टिका दर्लामीले जानकारी दिए ।
संविधान सभा सदस्य साहको प्रमुख आतिथ्यतामा सम्पन्न उदघाटन समारोहमा बागमती नगरपालिकाका मेयर भरत कुमार थापा, उपमेयर लिला कुमारी मोक्तान, वडा नम्बर ८ का डम्बर बहादुर कार्की, ७ का दुर्गाबहादुर हेन्जन, ईलाका प्रहरी कार्यलय बरहथवाका डिएसपी मकेन्द्र कुमार मिश्र लगाएतको आतिथ्यता रहेको आयोजकले जनाएको हो ।
