Wednesday, February 21, 2024

हरिवन बजार क्षेत्रका फुटपाथ व्यवसायीद्वारा समय थपगर्न मागगर्दै नगरप्रमुखलाई ज्ञापन पत्र बुझाए

ताजा / भरखरै प्राप्त

हरिवन-बजार क्षेत्रका फुटपाथ व्यवसायीहरुले फुटपाथ पसल हटाउने समय बढाउन मागँ गर्दै हरिवन नगरपालिकामा ज्ञापन पत्र बुझाएका छन् ।

सूचना नै जारी गरेर नगरपालिका कार्यलयले अब्यवस्थित पसल वा संरचना हटाउन भनेपछि व्यवसायीहरुले समय थप गर्न मागँ गरेका हुन् । नगरपालिका कार्यलयले पुर्व पश्चिम राजमार्गको ७५ मिटर भित्र अब्यवस्थित रुपमा तयार भएको संरचना र पसल १० दिन भित्र हटाउन गत भदौ १९ गते सूचना जारी गरेको थियो ।

त्यसको ५ दिन पछि फुटपाथ ब्यवसायीहरुले ज्ञापन पत्र मार्फत चाडवाडको मुखमा आफुहरुको बिचल्ली नबनाउन अनुरोध गरेका हुन् । नजिकिँदै गरेको चाडबाडका कारण नगरपालिकाले दिइएको १० दिनको समयमा पसल खाली गर्ने तथा संरचना हटाउन नसकिने उनीहरुले बुझाएको पत्रमा उल्लेख गरेका छन् ।

यसैविच पत्र मार्फत ब्यवसायीहरुले दुई बुंदे माग समेत राखेका छन् । दशै, तिहार र छठ पछि आफुहरुलाई उचित स्थानमा ब्यवस्थापन गरेर मात्र हटाउन मागँ गरेका छन् । नगर प्रमुख रमेश बुढाथोकी (कमल)ले पत्र बुझ्दै आवश्यक छलफल पछि निर्णय लिईने बताए । कार्यपालिकाको छलफलमा व्यवसायीको गुनासोको संम्बन्धमा छलफल गरेर सम्बोधन गरिने मेयर बुढाथोकीले जानकारी दिए ।

अबैध रुपमा निर्माण भएका संरचना, ठेल पसल लगाएतका अतिक्रमणका कारण पुर्व पश्चिम राजमार्गमा सवारी आवागमनमै असर परेको भन्दै नगरपलिकाले सडकको दाँया बाँया ७५ मिटर खाली गराउने तयारी गरेको हो । पसल तथा संरचनाले ठुला दुर्घटनाको जोखिम बढ्नुका साथै जनधनको क्षती हुने देखिएको भन्दै त्यस्ता संरचना हटाउन नगरले सूचनामार्फत सम्पुर्णमा जानकारी गराएको थियो ।

spot_imgspot_img
spot_img

लोकप्रिय

Related Articles