सर्लाही-सर्लाही प्रहरीले लागु औषध सहित जिल्लाका दुई छुट्टा छुट्टै स्थानबाट ४ जनालाई पक्राउ गरेको छ ।
शुक्रवार जिल्लाको पुर्व पश्चिम राजमार्ग स्थित लालबन्दी नगरपालिका–१, बाट लागु औषध गाँजा सहित दुई जनालाई पक्राउ गरेको हो । पक्राउ पर्नेमा धनुषाको सबैला नगरपालिका–१२, बस्ने ४१ बर्षका बिनोद महरा र उनी सगै मोटरसाईकलमा सवार सोही स्थानका ४२ बर्षका राजाराम कापर रहेको जिल्ला प्रहरी कार्यलय सर्लाहीले जनाएको छ ।
प्रदेश २–०२–००५ प २२०६ नम्बरको मोटरसाईकलमा सवार उनीलाई पश्चिमबाट पुर्व तर्फ जादै गर्दा प्रहरीले शंका लागेर चेकजाँच गरेको जनाएको छ । चेक जाँचको क्रममा मोटरसाईकलको पछाडि सवार कापरले बोकेको कालो झोलाबाट ५ किलो गाँजा बरामद् भएको प्रहरीले जनाएको हो ।
यस्तै जिल्लाको ब्रह्मपुरी गाउँपालिका स्थित झिम नदि किनारबाट पनि लागु औषध सहित दुईजना पक्राउ परेका छन् ।
ब्रह्मपुरी गाउँपालिका–३, झिम नदि किनार नजिकैबाट भारतको सोनवर्षाबाट नेपाल तर्फ आउदै गरेका दुई जनालाई लागु औषध सहित प्रहरीले नियन्त्रणमा लिएको हो । पक्राउ पर्नेमा धादिङको निलकण्ठ नगरपालिका–४, बस्ने २९ बर्षका निगम घले र जिल्लाको बागमती नगरपालिका–२, ढुंग्रेखोला बस्ने ३१ बर्षका रवि खड्का रहेको प्रहरीले जनाएको हो ।
उनीहरुलाई शंका लागेर चेक जाँच गर्ने क्रममा उनीहरुको साथबाट प्रोभिठ्ठा जिन ३५ एम्पुल, डिजेट् पाम ३३ एम्पुल, सादा नुर्फिन ३३ एम्पुल गरी १०१ पिस लागु औषध बरामद भएको प्रहरीले जनाएको हो । उनीहरुलाई सशस्त्र प्रहरी सिमा सुरक्षा बेस र त्रिभुवननगरबाट खटिएको प्रहरी टोलीले नियन्त्रणमा लिएको हो ।
दुवै घटनाका अभियुक्तहरुलाई उनीहरु सवार मोटरसाईकल र उनीहरुको साथबाट बरामद् लागु औषध सहित नियन्त्रणमा राखेर घटनाको अनुसन्धान भईरहेको जिल्ला प्रहरीका प्रवक्ता विजय यादवले जानकारी दिए ।
