गोडैटा-सर्लाहीको सिमावर्ती क्षेत्र गोडैटा नगरपालिकाबाट नक्कली नोटको बिगविगी रहेको खुलासा भएको छ ।
शुक्रवार नेपाल–भारत सिमावर्ती क्षेत्र बहादुरपुरबाट ठुलो परिमाणमा नक्कली नोट बनाउने नमुना कागज बरामद् भएपछि यस्तो खुलेको हो । जिल्लाको गोडैता नगरपालिका–३, सिमरा भगवतीपुर बजारमा खटिएको सशस्त्र प्रहरीको टोलीले ठुलो परिमाणमा नक्कली नोट तयार गर्ने कागजको बण्डल बरामद भएको जनाएको हो ।
बिओपी बहादुरपुरबाट सशस्त्र प्रहरी नायव निरिक्षक विद्याभुषण झाको नेतृत्वमा खटिएको टोलीले नक्कली नोट बनाउने कागज सहित नुवाकोटको साविक गाविस ककनी–५, ठेगाना भएका ३२ बर्षका हिरामान लामालाई पक्राउ गरेको छ । स्कारपियोमा सिमाभगवतीपुर बजार तर्फ जादै गरेका लामालाई रोकेर गाडीको डिक्कि चेक गर्ने क्रममा उक्त परिमाणमा नक्कली नोट बनाउने कागज बरामद भएको हो ।
स्कारपियो भने प्रहरीको आखाँ छलेर फरार भएको प्रहरीले जनाएको छ । फरार स्कारपियो र चालकको समेत खोजी भईरहेको सशस्त्र प्रहरी १० नम्बर गणका गणपती एसपी भरत खनियाले जानकारी दिए । प्रहरीका अनुसार काटुनमा प्याक गरेको अवस्थामा सय दरका नक्कलीनोट बनाउने कागज ६९ गढ्ढि र नगद ४० हजार बरामद् भएको हो ।
यस्तै पक्राउ परेका लामाको साथबाट प्रहरीले १७ हजार नगद, माच्छापुच्छ्रे बैँकको ३० लाख ६० हजारको चेक एक थान, अर्को एक थान चेक, एक थान पासपोर्ट, बिलबुक, एक थान मोवायल, दुई थान एटिएम कार्ड र नागरिकता समेत बरामद् भएको प्रहरीले जनाएको छ । पक्राउ परेका लामालाई बरामद् सामाग्री सहित ईलाका प्रहरी कार्यलय गडहिया ढुमरिया बुझाईएको सशस्त्र प्रहरी १० नम्बर कविलासीले जनाएको हो ।
