सर्लाही-जनता समाजवादी पार्टी सर्लाहीका केही नेता कार्यकर्ता एमालेमा प्रवेश गरेका छन् ।
पुर्व जिल्ला समन्वय समिति सभापति देखी पुर्व मेयर सम्म एमालेमा प्रवेश गरेका नेकपा एमालेले दावी गरेको हो । श्रोतका अनुसार आईतवार पुर्व जिल्ला समन्वय समिति सभापति मेथुर चौधरी, मलंगवा नगरपालिकाका पुर्व मेयर निरसल साह, गत स्थानीय तह निर्वाचनकी उपमेयरकी उमेदवार पानो देवी, पर्सा गाउँपालिकाका निबर्तमान अध्यक्ष तथा जसपाका नेता किसुनदेब राय यादब एमाले प्रवेश गरेका हुन् ।
उनीहरु सबैजनालाई पार्टीका अध्यक्ष केपी शर्मा वलीले अबिर र खादा ओडाएर पार्टीमा स्वागत गरेका छन् । यस्तै कौडेना गाउँपालिकाका निबर्तमान अध्यक्ष राजीनन्दन चौधरी, नेपाली कांग्रेसका जिल्ला नेता मो. जुनैद रिजबी, विभिन्न पार्टीबाट निर्बाचित ४ जना वडाअध्यक्षहरु, जसपा नेपालका जिल्ला स्तरीय नेताहरु बैधनाथ राय, नन्दकिशोर राय, बिरेन्द्र राय, नेकपा (माओबादी केन्द्र) निकट बिद्यार्थी सङठनका नेता सनम नेपाल एमालेमा प्रवेश गरेका हुन् ।
सोही कार्यक्रम मार्फत विभिन्न पार्टीका सयौँ नेता–कार्यकर्ताहरु एमालेमा प्रवेश गरेका नेकपा एमालेका नेता बिदुर प्याकुरेलले सामाजिक संजालमार्फत सार्वजनिक गरेका छन् । एमाले प्रवेश गरेका मलङ्ग्वा नगरपालिकाका पुर्व मेयर साह तथा उपमेयरकी उमेदवार पानो देवि गत स्थानीय तह चुनावमा जनता समाजवादी पार्टी, नेपालको टिकटबाट चुनाव लडेका थिए । तर, पराजित भए ।
पुर्व सभापति एवं जसपा नेता चौधरी २०७४ सालमा तत्कालीन राजपाको टिकटबाट जिल्ला समन्वय समिति सर्लाहीको प्रमुखमा विजयी भएका थिए । त्यस्तै पर्सा गापाका पुर्व अध्यक्ष यादव २०७४ को स्थानीय चुनावमा तत्कालीन फोरमबाट गाउँपालिका अध्यक्षमा विजयी भएका थिए । भने, कौडेना गाउँपालिका पुर्व उपाध्यक्ष एवं जसपा नेतृ सुनिता जयसवाल तत्कालीन राजपाबाट विजयी भएकी थिइन् ।
