Wednesday, February 21, 2024

सर्लाहीमा फेरी हात्ती आतंक, केही घर र अन्नपात क्षती

ताजा / भरखरै प्राप्त

लालबन्दी-लामो समय देखी शान्त देखिएको जिल्लामा फेरी जंगली हात्ती आतंक सुरु भएको छ ।

बिहिवार राती देखी जिल्लाको लालबन्दी र हरिवन स्थित चुरे क्षेत्रमा एक जोडी बयस्क जंगली हात्ती देखिए पछि स्थानीय आतंकित बनेका हुन् । यस पहिला पनि लामो समय जिल्लाको हरिवन, लालबन्दी, ईश्वरपुर लगाएतका क्षेत्रमा जंगली हात्तीले वितण्डन मच्चाएको थियो । यसरी आउने गरेको जंगली हात्तीले जिल्लाम जनधनको क्षती गर्ने गरेको स्थानीयको भनाई छ ।

बिहिवार राती लालबन्दी नगरपालिका–१, स्थित सामुदायिक बन क्षेत्रमा एक्कासी एक जोडि जंगली हात्ती देखिएको थियो । उक्त हात्तीले राती स्थानीयको दुई वटा फुसले छाएको, बाँसको टाटीको भित्ता रहेको घरमा क्षती पु¥याएको थियो । त्यस पछि गाउँका स्थानीय, डिभिजन बनका कर्मचारी र प्रहरी प्रशासन समेतको सहयोगमा जंगली हात्तीलाई जंगल तर्फ फर्काइएको थियो ।

त्यस पछि शुक्रवार अबेर उक्त हात्ती हरिवन नगरपालिकाको विभिन्न गाउँमा देखिएको प्रहरीले जनाएको छ । सोही जंगली हात्तीले हरिवन नगरपालिका–५, महतो टोलमा दुई जनाको फुसको छाना भएको घर भत्काएको हो । हात्तीले सोही स्थानका शंकर महतो र प्रकास महतोको घर भत्काएको हो । हात्तीले घर भित्र रहेको धान लगाएतको अन्नमा समेत क्षती पु¥याएको छ ।

त्यसबाट झण्डै १२/१५ हजार बराबरको क्षती भएको प्रहरीले जनाएको छ । गाउँ पसेको जंगली हात्तीलाई स्थानीय र बन कर्मचारी समुहले निकै प्रयास पछि जंगल पठाउन सफल भएको जिल्ला प्रहरी कार्यलय सर्लाहीको भनाई छ ।

यसैबिच कही कतै जंगली हात्ती देखिहाले कोकोहोलो गर्ने अनेक आवाज निकाल्ने लगाएतको काम नगर्न डिभिजन बन कार्यलय सर्लाहीले अनुरोध गरेको छ । आफ्नो गन्तब्यमा हिडेको हात्ती थकानका कारण वा बाटो भुलेर गाउँ पस्ने भएकाले उनीहरुलाई त्रसाउने लगाएतको गतिविधि नगर्न आग्रह गरेको छ ।

बन जंगलमा जथाभावी नजान तथा जंगली हात्ती देखिय तत्काल डिभिन बन कार्यलय वा नजिकैको प्रहरी कार्यलयमा खवर गर्न समेत अनुरोध गरेको छ ।

spot_imgspot_img
spot_img

लोकप्रिय

Related Articles