लक्ष्मण यादव, सर्लाही-४३ औँ विश्व पर्यटन दिवसको अवसरमा सर्लाहीका होटल तथा पर्यटन व्यवसायीले पर्यटकलाई बिषेश छुट दिने भएका छन् ।
जिल्लामा आउने पर्यटकहरुलाई बिषेश छुट योजना लागु गर्न लागिएको होटल तथा पर्यटन ब्यवसायीहरुले जनाएका छन् । आईतवार नेपाल होटल तथा पर्यटन ब्यवसायी संघ सर्लाहीले पत्रकार सम्मेलन आयोजना गरेर जानकारी गराएको हो । दिवसको अवसरमा यही असोज ११, १२ र १३ गते जिल्लाका सम्पुर्ण होटलहरुले छुट सेवा प्रदान गर्ने संघका महासचिव राजेश कुमार शर्माले जानकारी दिए ।
पर्यटन बर्ष २०२२ को अवसरमा सहरी विकास मन्त्रालय मधेस प्रदेश र नेपाल होटल तथा पर्यटन ब्यवसायी संघको सम्युक्त आयोजनामा बिश्व पर्यटन दिवस भब्यरुपमा मनाउने तयारी गरिएको संघले जनाएको हो । सोही अवसरमा आईतवार जिल्ला सदरमुकाम मलंगवा स्थित गोरखकाली नाकामा सरसफाई तथा ¥याली आयोजना गरिएको संघका अध्यक्ष हिराकाजी योन्जनले जानकारी दिए ।
यस बर्ष असोज ११ गते विश्व पर्यटन दिवस परेको छ । दिवसको अवसरमा पर्यटकहरूलाई लक्षित गर्दै नेपाल होटेल तथा पर्यटन व्यवसायी संघ मधेस प्रदेशले पर्यटकहरुलाई लजमा २५ प्रतिशत र खानामा १५ प्रतिशत छुट दिने ब्यवस्था गरेको
संघका मधेस प्रदेस कोषाध्यक्ष वैकुण्ठ सापकोटाले बताए । सापकोटाका अनुसार यो छुट सेवा मधेस प्रदेशको ८ वटै जिल्लामा उपलब्द गराई भएको छ ।
दिवसको अवसरमा जिल्लाको दिवस मुल समारोह आयोजक समितिले जिल्लाका पर्यटकिय गन्तब्यको बारेमा जानकारी दिने होडिङबोड समेत सिमाक्षेत्रमा राखिने जनाएको छ । जिल्लामा पर्यटन प्रवर्धन गर्न र पर्यटकिय क्षेत्रको विकासमा यस्ता कार्यक्रमले ठुलो भुमिका खेल्ने सरोकारवाला निकायहरुको प्रतिकृया छ ।
