हरिवन-सर्लाहीको हरिवनबाट प्रहरीले मध्यरातमा १२ जना जुवाडेहरुलाई पक्राउ गरेको छ ।
आईतवार राती हरिवन नगरपालिका–१, स्थित छाप्रोबाट जुवा खेलीरहेको अवस्थामा सर्लाही, महोत्तरी, धनुषा र पर्साका गरी १२ जना जुवाडे पक्राउ गरेको हो । शुराकिको आधारमा मध्यराती ईलाका प्रहरी कार्यलय हरिवनका प्रहरी निरिक्षक मुकेश ताम्राकारको नेतृत्वमा पुगेको टोलीले उनीहरुलाई पक्राउ गरेको जिल्ला प्रहरी कार्यलय सर्लाहीले जनाएको हो ।
पक्राउ पर्नेहरुमा सर्लाहीको हरिवन–१, का ३५ बर्षका तेज बहादुर गोले, ५३ बर्षका शंकर श्रेष्ठ, हरिवन नगरपालिका–२, बस्ने ४९ बर्षका टिका प्रसाद घिमिरे, ३० बर्षका भिम लामा, ४० बर्षका हरि पौडेल, ३४ बर्षका मान बहादुर थिङ, सर्लाहीको लालबन्दी–१, का चन्दा खाँ, कौडेना गाउँपालिका–२, का चुन्निलाल चौधरीलाई पक्राउ गरेको हो ।
यस्तो जुवा खालबाट प्रहरीले महोत्तरीको बर्दिवास नगरपालिका–८, निवासी, २९ बर्षका हिरा बहादुर श्रेष्ठ, औरही नगरपालिका–२, निवासी हरिनारायण महतो, पर्साको प्रसौनीभाठा नगरपालिका–२, बस्ने ५४ बर्षका पानालाल प्रसाद साह, धनुषाको मिथिला बिहारी नगरपालिका–७, बस्ने ५९ बर्षका ईश्वरी साहलाई पक्राउ गरेको प्रहरीले जनाएको हो ।
उनीहरुले जुवा खेलेको खालबाट प्रहरीले नगद २ लाख ७१ हजार ६ सय रुपैया नेपाली, २ सय ५० रुपैया भारु, ४ थान कौडा, ४ पिस तास, २ बट्टा पाउडर, ओछ्याउने कारपेट २ थान, ४ थान काठको तख्ता, हुक्का १ थान, सानो ईन्भरटर एक थान र ८ थान मोवायल समेत बरामद् गरेको जनाएको छ । पक्राउ परेका उनीहरुलाई म्याद थप गरी अनुसन्धान अगाडि बढाएको प्रहरीले जनाएको छ ।
घटनाको थप अनुसन्धान भईरहेको जिल्ला प्रहरी कार्यलय सर्लाहीका प्रवक्त एवं प्रहरी नायव उपरिक्षक विजय यादवले जानकारी दिए ।
