Thursday, June 13, 2024

बागमतीमा करेन्ट् लागेर एक युवकको मृत्यु, आफन्त द्वारा राजमार्गमा टायर बालेर प्रदर्शन

ताजा / भरखरै प्राप्त

हरिओम क्रसर संचालकको लापर्वाहीको कारण आफ्नो मान्छेको ज्यान गएको भन्दै आफन्त द्वारा १ घण्टा पुर्वपश्चिम राजमार्गमा टायर बालेर प्रदर्शन

बागमती– क्रसर संचालकको लापर्वाहीले युवकको ज्यान गएको भन्दै सर्लाहीको बागमती स्थित पुर्व पश्चिम राजमार्गमा प्रदर्शन भएको छ ।

मंगलवार राती बागमती–१२, मा करेन्ट लागेर ज्यान गुमाएका प्रकाश वाईवाको आफन्त र स्थानीयले बुधवार दिउसो १ घण्टा राजमार्गमा टायर बालेर प्रदर्शन गरेका हुन् । प्रदर्शनका कारण सवारी अवरुद्ध भएका थिए । भने, यात्रूहरु केहीबेर अलपत्र परेका थिए । राजमार्गमा सवारीको लामो लाईन लागेको थियो ।

बागमती नगरपालिका–१२, मा संचालित हरिओम क्रसर उद्योगले बिद्युत सप्लाई गरेको तारबाट करेन्ट लागेर आफ्नो मान्छेको ज्यान गएको भन्दै मृतकका परिवार परिवार र स्थानीय आन्दोलित भएका हुन् । उद्योगले घरको नजिकैबाट खुल्ला तारबाट करेन्ट सप्लाई गर्दा दुर्घटना भएको उनीहरुको आरोप छ ।

स्थानीयका अनुसार उद्योगले लाईन जडान गर्ने समयमै केही समयमै नाङ्गो तार हटाउने सर्तमा बिद्युत सप्लाई गरेको थियो । उद्योगले स्थानीय सगँ गरेको सम्झौता समयमै कार्यन्वयन नगरेका कारण दुर्घटना घटेको उनीहरुको आरोप छ । उद्योगका प्रतिनिधिले उक्त तारबाट कुनै दुर्घटना भए त्यसको जिम्मा उद्योगले लिने कागजी सम्झौता भएकोले त्यसको जिम्मा उद्योगीले लिनु पर्ने उनीहरुको माग छ ।

घटनाको १२ घण्टा बितिसक्दा समते पनि उद्योगीले कुनै चासो नदेखाएपछि न्यायको लागि आफुहरु सडकमा आउनु परेको उनीहरुको भनाई थियो । स्थानीय प्रशासन सगँको समन्वयमा क्रसर संचालकले शुक्रवार छलफल गरेर पिडित परिवारलाई राहत उपलब्द गराउने बताए पछि पिडित परिवार र स्थानीय सडक खुलाउन सहमत भएका हुन् ।

घटना यसरी भएको थियो ।

ट्रक चालक समेत रहेका बागमती–१२, निवासी वाईवा मंगलवार ट्रक लिएर घर आईपुगेका थिए । साझ खाना खाएर हिड्ने तयारीमा रहेका उन्लाई ट्रकमा त्रिपाल लगाउने क्रममा करेन्ट लागेको थियो ।

तत्काल उपचारको लागि बागमती स्थित मोडेल अस्पताल पु¥याए पछि चिकित्सकले उन्लाई मृत घोषण गरेको प्रहरीले जनाएको हो । उन्को सव परिक्षणको लागि मंगलवार रातीनै रौतहट स्थित अस्पताल पु¥याएको ईलाका प्रहरी कार्यलय हरिवनले जनाएको छ ।

spot_imgspot_img
spot_img

लोकप्रिय

Related Articles