सर्लाही-जिल्लाको दक्षिणी क्षेत्रमा केही दिन यता ब्यापक बनेको बच्चा चोरको हल्लाले स्थानीय आतंकित भएका छन् ।
गाउँ गाउँमा बच्चा चोर्ने समुह सकृय रहेको हल्ला पछि स्थानीय सशंकित भएका हुन् । ठाउँ ठाउँमा बच्चा चोर पक्राउ परेको भन्दै सामाजिक संजालमा भिडियोहरु समेत सार्वजनिक भईरहेका छन् । जिल्लाका दक्षिणी क्षेत्रका स्थानीयले त केही ब्यक्तिहरुलाई बच्चा चोरको आरोपमा पक्राउ समेत गरेर प्रहरीलाई बुझाएका छन् ।
सामाजिक संजालमा फौलिएको कुरा अफवाह मात्र भएको प्रहरीले जनाएको छ । स्थानीयले बच्चा चोरको आशंकामा बुझाएका अधिकांस मानसिक सन्तुलन गुमाएका ब्यक्ती रहेका समेत जिल्ला प्रहरी कार्यलय सर्लाहीले जनाएको हो । यसरी फैलिएको अफवाहले समाजमा नकारात्मक असर पर्ने जानकारहरुको भनाई छ ।
सचेतनाको नाममा यस्ता सामाग्री सामाजिक संजालमा नराख्न तथा अरुले राखेका सामाग्री सेयर नगर्न समेत सुरक्षा निकायले सचेत गराएको छ । यस्ता तथ्यहिन कपोकल्पीत कुराको पछाडि नलाग्न र आफ्ना बालबालिकाको नियमित हेरविचार गर्न जिल्ला प्रशासन कार्यलयले आग्रह गरेको हो ।
गाउँ समाजमा गलत अफवाह फैलाईएको भन्दै हाल सम्म सर्लाहीमा बच्चा चोर्ने समुह सकृय भएको कुनै आधार तथ्य फेला नपरेको तथा त्यस्ता कोही पनि पक्राउ नपरेका सर्लाही प्रहरीका प्रमुख प्रविण पोखरेलले जानकारी दिए ।
हल्लाकै कारण गाउँमा नयाँ अनुहार देखिने बित्तिकै स्थानीय सशंकित भएर खवर गर्ने गरेका स्थानीय जनप्रतिनिधिहरुको अनुभव छ ।
