Wednesday, February 21, 2024

जिल्लाको बिकट क्षेत्र गुईडुङमा चट्याङ लागेर १ जनाको ज्यान गयो, ४ जना घाइते

ताजा / भरखरै प्राप्त

ईश्वरपुर-सर्लाहीको ईश्वरपुर नगरपालिका स्थित गुईडुङमा चट्याङ लागेर एक जनाको ज्यान गएको छ । भने, ४ जना घाईते भएका छन् ।

सोमवार अपरान्ह ४ बजेको समयमा जिल्लाको उत्तर–पूर्वी चुरेभेगमा परेको चट्याङ लागेर ईश्वरपुर नगरपालिका–१२, गुईडुङका २८ बर्षका प्रेमबहादुर घलानको ज्यान गएको हो । सोही चट्याङमा परेर २ वर्षकी बालिका सहित अन्य ४ जना घाइते भएका स्थानीयले जनाएका छन् ।

पानी सगँै परेको चट्याङ लागेर गम्भीर घाइते भएका घलानलाई तत्काल उपचारका लागि बर्दिवास स्थित जनसेवा अस्पताल पु¥याईएको थियो । अस्पताल पुग्ने वित्तिकै घलानलाई चिकित्सकले मृत घोषणा गरेका हुन् । घलानलाई ज्वाइँ वुद्धबहादुरको घरमा गएका बेला चट्याङ लागेको स्थानीयले बताएका छन् ।

चट्याङ लागेर मृतक घलानकी श्रीमती नन्दीमाया घलान, ज्वाइँ वुद्धबहादुर पाख्रिन, वुद्धबहादुरकी छोरी २ वर्षकी प्रतिमा पाख्रिन र स्थानीय रुद्रमान स्याङतान घाइते भएका छन् । उनीहरु सबैजनाको बर्दिवास स्थित जनसेवा अस्पतालमा उपचार भईरहेको छिमेकी वीरबहादुर थिङले जानकारी दिए ।

थिङका अनुसार घाइते सबैको अवस्था सामान्य छ । स्थानीयका अनुसार घटना स्थिल गुईडुङ निकै विकट क्षेत्र हो । सडक नपुगेको उक्त स्थानमा पुग्न चुरेको फेदीबाट झण्डै एक घण्टा पैदल हिड्नु पर्ने बाध्यता छ । चट्याङ लागेर घाईते भएकाहरुलाई स्थानीयले पानी पर्दा पर्दै झोलुंगोमा बोकेर घारिबथानसम्म ल्याईपु¥याएका वडाध्यक्ष देवीबहादुर खत्रीले जानकारी दिए ।

spot_imgspot_img
spot_img

लोकप्रिय

Related Articles