लालबन्दी–नेपाली कांग्रेस केन्द्रीय कार्यक्रम ”जनता सगँ काग्रेस” अभियान सर्लाहीमा सम्पन्न भएको छ ।
गत भदौ १० गतेबाट सुरु भएको ”जनता सगँ कांग्रेस” अभियानको शुक्रवार १०९ औँ वि.पि जन्म जयन्तीको विषेश अवसर पारेर समापन गरिएको कांग्रेस जिल्ला कार्यसमितिले जनाएको हो । केन्द्रीय प्रतिनिधि दिनेश यादवको उपस्थितीमा संचालन भएको अभियानको पहिलो चरण अन्तरगतका कार्यक्रम जिल्लाको ४ वटै निर्वाचन क्षेत्रमा आयोजना गरिएको थियो ।
लालबन्दीमा केन्द्रीय प्रतिनिधि यादवको प्रमुख आतिथ्यतामा एक कार्यक्रमको आयोजना गरेर अभियानको औपचारिक समापन गरिएको नेपाली कांग्रेस जिल्ला समिति सचिव निरोज कार्कीले जानकारी दिए । जिल्ला सभापति सुरेन्द्र प्रसाद सिङको अध्यक्षतामा सम्पन्न समापन समारोहमा पार्टीका नेता शम्भुलाल श्रेष्ठ, प्रदेश कमिटि सदस्य रामबाबु साह, उदय नारायण चौधरी, सर्मिला थापा, मदन विश्वकर्माको आतिथ्यता रहेको थियो ।
यस्तै जिल्ला समन्वय समिति सभापति कौशल किसोर सिङ, लालबन्दी नगरपालिकाकी उपमेयर कल्पना माया पाख्रिन, ईश्वरपुर नगरपालिकाकी उपमेयर रंजिता चौधरी, जिल्ला सचिव कार्की लगाएतको अतिथ्यतामा कार्यक्रम सम्पन्न भएको कार्यक्रम संचालक नारायण गुर्मछानले जानकारी दिए । कार्यक्रमका अधिकांश बक्ताहरुले आशन्न चुनावमा पार्टीको रणनीतिको बारेमा चासो र चिन्ता ब्यक्त गरेका थिए ।
कांग्रेस सर्लाहीले मंसिर ४ को प्रतिनिधि र प्रदेश सभाका लागि उम्मेदवारहरुको नाम प्रदेश कमिटिलाई सिफारिस गरिसकेको जनाएको छ । कार्यक्रमका बक्ताहरुले विपि का योगदानको समेत खुलेर चर्चा गरेका थिए ।
यसै विच अभियानको दोस्रो चरण अन्तरगत अब प्रदेश क्षेत्र देखी जनताको घरदैलोमा गएर अभियान सफल पारिने कांग्रेस सर्लाहीले जनाएको हो ।
