हरिवन-सर्लाहीको हरिवनबाट ‘एटिएम’ मेसिन फोडेर पैसा चोर्न खोज्ने शंकास्पद दुई जनालाई प्रहरीले पक्राउ गरेको छ ।
गत साउन २५ गते बुधवार मध्यराती १ बजेको समयमा माक्स लगाएका दुईजना ब्यक्तिले हरिवन–११, मा रहेको एनआईसी एसिया बैँकको ‘एटिएम’ मेसिन फेड्न खोजेका थिए । उक्त घटना एटिएम बुथमा रहेको सिसि टिभीमा रेकर्ड भएको थियो । रडको सहायताले ‘एटिएम’ मेसिन फोडेर पैसा चोर्ने प्रयास गरेको भिडियो फुटेजमा देखिएपछि प्रहरीले उनीहरुको खोजिसुरु गरेको थियो ।
घटनाको दुई हप्ता पछि गत भदौ १० गते दुई जनालाई प्रहरीले पक्राउ गरेको हो । प्रहरीका अनुसार घटनामा हरिवन नगरपालिका–११, बस्ने २६ बर्षका शमसेर देवान र १९ बर्षका महमद समसाद संलग्न रहेको पाहिएको हो । दुवैलाई प्रहरीले नियन्त्रणमा लिएर थप अनुसन्धान गरिरहेको छ । प्रहरीका अनुसार घटना लगतै उनीहरु फरार भएका थिए ।
घटनाको प्रारम्भिक अनुसन्धानबाट उनीहरुनै सलग्न रहेको खुलेको प्रहरीले जनाएको हो । ‘एटिएम’ बुथमा रहेको सिसि टिभी फुटेजका आधारमा निरन्तर अनुसन्धान पछि घटनामा संलग्नलाई पक्राउ गरिएको ईलाका प्रहरी कार्यलय हरिवनका प्रमुख प्रहरी निरिक्षक मुकेश ताम्राकारले जानकारी दिए ।
