Thursday, June 13, 2024

अमरेशलाई रोक्न सर्लाही क्षेत्र नम्बर ४ बाट गगन थापाको नाम सिफारिस

ताजा / भरखरै प्राप्त

सर्लाही-नेपाली कांग्रेसका महामन्त्री गगन थापाको सर्लाही क्षेत्र नम्बर ४ बाट प्रतिनिधिसभा सदस्य प्रत्यक्षतर्फ एकल नाम सिफारिस भएको छ ।

नेपाली कांग्रेस सर्लाहीले महामन्त्री थापा सर्लाही ४ बाट चुनाव नलड्ने निश्चित हुँदाहुँदै अमरेश बिरुद्ध नयाँ ‘स्टन्ट’ गरेको हो । डा.अमरेश कुमार सिंह विरोधी जिल्लाका नेतृत्वले टिकट नपाउन भनेर यो ‘स्टन्ट’ गरेको स्थानीय नेता कार्यकर्ताहरुको भनाई छ । जिल्ला सभापति सिंह शेरबहादुर देउवा खेमाका हुन् । भने, अमरेश डा.शशांक कोइराला टिमका हुन् ।

कोइराला टिमकै थापाको एकल नाम सिफारिस गर्दा अमरेशलाई त्यसको प्रतिवाद गर्न कठिन हुने भनेर त्यसो गरिएको अमरेश पक्षको बुझाई छ । जिल्ला सभापति सुरेन्द्र प्रसाद सिंह ४ नम्बर क्षेत्रमा अमरेश सिंहलाई कुनै हालतमा टिकट नदिन यस पहिला देखीनै कम्मर कसेर लागि परेका छन् । उनी कुनै हालतमा अमरेश सिंहले टिकट दिन नहुने पक्षमा छन् ।

जिल्ला अध्यक्ष सुरेन्द्र सिंंह आफै गगन थापा चुनाव लड्न सर्लाही क्षेत्र नम्बर ४ नआउनेमा स्पष्ट छन् । नाम सिफरिस गर्नु पुर्व महामन्त्री थापासँग कुनै किसिमको सहमति समेत नभएको बुझिएको छ । सल्लाह नै नगरी ठूलो नेताको नाम सिफारिस गरेर सुरेन्द्रले ठुलै चर्चा बटुल्ने काम गरेको स्थानीय कार्यकर्ताहरुकोे आरोप छ ।

करिब दुई साता अगाडि आफ्नो निर्वाचन क्षेत्र आईपुगेका उनी पछिल्लो समय निकै सकृय देखिएका छन् । उन्को सक्रियताले जिल्ला नेतृत्व समेत निकै शसकित बनेको थियो । क्षेत्रमा आफ्नो सकृयता बढाएका अमरेशको पक्षमा मतदाता र कार्यकर्ता खुलेपछि जिल्ला नेतृत्व उनलाई टिकटमै रोक्न सक्रिय भएको हो ।

संघीय सांसदमा लगातार निर्वाचित अमरेशलाई यसपटक टिकटमै यसरी रोक्नुको कारण जिल्ला नेतृत्वले स्पष्ट पार्न नसकेको स्थानीय नेताहरुको भनाई छ । जनताले नै अमरेशलाई छाडेर महामन्त्री गगन थापा यस क्षेत्रबाट चुनावमा आउनु पर्ने मागँ गरेपछि नाम सिफरिस गरिएको जिल्ला नेतृत्वले तर्क गर्दै आएको छ ।

कांग्रेस नेताहरुका अनुसार सर्लाही क्षेत्र नम्बर ४ को दुुवै क्षेत्रीय समितिले महामन्त्री थापालाई संघीय सांसदको उम्मेदवार सिफारिस गरेको थियो । सोही नामलाई सोमबार ४ नम्बर क्षेत्रीय कार्य समितिले सर्वसम्मत गरी प्रदेश पठाएको हो ।

यस्तै सर्लाही क्षेत्र नम्बर ४ (क) प्रदेशको प्रत्यक्षतर्फ वीरेन्द्रकुमार सिंहको एकल नाम सर्वसम्मत सिफारिस भएको छ । सोही क्षेत्रको समानुपातिकमा युवा नेता रघु कार्कीको नाम पनि सिफारिस भएको सिंहले जानकारी दिए । (ख) मा प्रत्यक्षतर्फ अशोककुमार सिंहलगायत चार÷पाँच जनाको नाम सिफारिस गरेको छ ।

spot_imgspot_img
spot_img

लोकप्रिय

Related Articles