Thursday, June 13, 2024

वडाध्यक्ष माथि हातपात गर्ने सहनीलाई छाडेको भन्दै बिरोध प्रदर्शन

ताजा / भरखरै प्राप्त

रौतहट-रौतहटको चन्द्रपुरमा वडाध्यक्ष लगाएत स्थानीय माथि हातपात गर्ने एक यूवकलाई प्रहरीले त्यसै छाडेपछि स्थानीय आन्दोलित भएका छन् ।

सोमवार चन्द्रपुर नगरपालिका वडा नम्बर–१, स्थित दुर्गा मन्दिर परिसरमा वडाध्यक्ष सहित स्थानीयको छलफल भएको थियो । यस बर्षको दुर्गा पुँजाका लागि समिति गठनगर्न भएको छलफलमा स्थानीय अर्चन सहनीले एक्कासी वडाध्यक्ष लगाएतलाई तथानाम गालीगलौज गर्दै हातपात गरेको स्थानीयको भनाई छ ।

लगतै स्थानीयले सहनीलाई नियन्त्रणमा लिएर प्रहरीको जिम्मा लगाएका थिए । तर, ईलाका प्रहरी कार्यलय चन्द्रनिगाहपुरले कुनै कार्वाहीनै नगरी मंगलवार नै सहनीलाई छोडेपछि स्थानीय प्रहरी प्रशासन विरुद्द आक्रोसित भएका हुन् । पटक–पटक अपराधिक घटना सम्लग्न हुदै आएका सहनीलाई प्रहरीले बद्नियत पुर्ण ढंगले छाडेको स्थानीयको आरोप छ ।

सोही घटनालाई लिएर चन्द्र्पुर नगरपालिका–१, नम्बर वडाका स्थानीयले साझ पुर्व पश्चिम राजमार्गमा टायर बालेर प्रदर्शन गरेका हुन् । स्थानीयको बिरोधले राजमार्गनै अबरुद्द भएको छ । भने, यात्रु तथा यातायातका साधन अलपत्र परेका छन् । घटनाको छानविननै नगरी गलत प्रभावमा परेर अभियुक्तलाई प्रहरीले छोडेकोले बिरोधमा उत्रनु परेको एक स्थानीयले पहिलो खोजलाई बताए ।

यस घटनाको बिषयमा ईलाका प्रहरी कार्यलय चन्द्रनिगाहपुरका डिएसपी सन्तु जयस्वार सगँ बुझन खोज्दा टेलिफोन सम्पर्क हुन सकेन । तर, ईलाका प्रहरी कार्यलय चन्द्रनिगाहपुर श्रोतले घटनाको छानविन भईरहेको दावी गरेकोछ ।

spot_imgspot_img
spot_img

लोकप्रिय

Related Articles