Saturday, May 18, 2024

बागमती नगरमा फेरियो सामुदायिक बिध्यालयको मुहार, दुई गुणाले बढे बिध्यार्थी

ताजा / भरखरै प्राप्त

बागमती-नगरको शैक्षिक संस्थामा आएको आमुल परिवर्तका कारण बिध्यार्थीको चाप ह्वातै बढेको छ ।

नगरको समग्र विकास तब मात्र सम्भव छ, जव नगरको शिक्षा प्रणाली सुदृढ हुन्छ । भन्ने, सोचका साथ अगि बढेका नगरका जनप्रतिनिधिको योजनाकै कारण नगरका सामुदायिक बिध्यालयमा बिध्यार्थीहरुको चाप बढेको छ । नगरको समग्र तथ्यांकमा हरेक बर्ष बिध्यार्थीको संख्या बृद्धि भईरहेको उल्लेख छ । भने, शैक्षिक गुणस्तरमा ठुलो परिवर्तन आएको छ ।

यस नगरपालिकामा नगर प्रमुख भरत कुमार थापा पहिलो पटक २०७४ सालमा मेयरमा निर्वाचित हुनु भयो । लगतै उहाँको पहिलो ध्यान नगरको शैक्षिक स्थिती उकास्ने तर्फ केन्द्रित भयो । मेयर थापाको पहलमा नगरका हरेक सामुदायिक बिध्यालयको निरिक्षण भएको थियो । विभिन्न बेथितिले थिलथिलो बनाएका हरेक बिध्यालय कुनै न कुनै रुपमा लाथालिङग थिए ।

उक्त समयको तथ्यांक हेर्ने हो, भने नगरका केही सामुदायिक बिध्यालय त शिक्षक बराबर बिध्यार्थी च्यापेर बसेका समेत फेला परे । जसको ब्यवस्थापनमा मेयर थापाले पहिलो क्रान्तीनै छेड्नु प¥यो भन्दा अतिउक्त नहोला । सम्पुर्ण बिध्यालको अवस्था प्रत्यक्ष अवलोकन पछि सुरु भएको नगरको शिक्षा सुधार अभियान अहिले पनि उही गतिमा चलिरहेको छ ।

नगरको सामुदायिक बिध्यालयको अनुगमनका क्रममा बिद्यार्थीहरु सगँ उनीहरुको समस्या बुझदै मेयर थापा ।

तथ्यांक अनुसार नगर भित्र रहेका २५ सामुदायिक बिध्यालयमा दुई गुणाले बिध्यार्थीको संख्यामा बृद्धि भएको छ । भने, हरेक बिध्यालयको ब्यवस्थापन नमुना बनाईएको स्थानीय अभिभावकहरुको भनाई छ । नगरको सामुदायिक बिध्यालयको अवस्था सुधार भए पछि आफुहरुले बालबालिका फेरी सामुदायिक बिध्यालयमा फर्काएको अभिभावकहरुको भनाई छ ।

निजि बिध्यालयमा बिध्यार्थी भर्ना गर्दा सबै भन्दा धेरै आर्थिक भारहुने गरेको स्थानीय अभिभावक रामलाल स्याङ्बोले बताए । उन्का ३ नाति नातिनालाई एक छोराले बिदेशमा रगत पसिना गरेर कमाएको रकम खर्चे पढाउनु ठुलै चुनौती बनेको थियो । आफै पनि प्राथमिक तह पढेका उनी नगरपालिका र जनप्रतिनिधिको नियमित निगरानीका कारण बिध्यालय ब्यवस्थित बनेको सुनाउछन् ।

नगरको एक सामुदायिक बिध्यालयमा तयार गरिएको मन्टेश्वरी कक्षाको अनुगमन गर्नुहुदै नगर प्रमुख थापा सहितका अन्य अतिथिहरु ।

बागमतीले पहिलो नगर प्रमुख पाउँदा नगरका २५ सामुदायिक बिध्यालयमा जम्माजम्मि ३५ सय बिध्यार्थी रहेकोमा हाल सम्म आईपुग्गा ८ हजारको हाराहारीमा बिध्यार्थी भर्ना भएका छन् । यसबाट समेत नगरको सामुदायिक बिध्यालयमा बिध्यार्थीको आकर्षण रहेको पुष्टि गरेको नगरले जनाएको छ । तर्साउने घर जस्ता रहेको बिध्यालय अहिले चिटिक्क परेर बालबालिकालाई स्वागत गरिरहेका छन् ।

नगरले दक्ष र ब्यवसायिक जनशक्ति उत्पादनको लागि भन्दै सुरु गरेको अभियान अन्तरगत नगरका मेयर थापाको नेतृत्वमा एकै पटक तिन वटा प्राविधिक शिक्षालय संचालन गरेको छ । उक्त शिक्षालयबाट बर्षेनी सयौँको संख्यामा सिभिल ईन्जिनियर, पशु बिज्ञान र कृषि बिज्ञानका बिध्यार्थी उत्पादन भईरहेका छन् । बागमती नगरपालिका–११, कर्मैयामा रहेको सिभिल ईन्जिनियरिङ तर्फ बर्षेनी प्रदेशकै उत्कृष्ट नतिजा निकाल्न सफल भएको महेन्द्र जनता प्राविधिक शिक्षालयले जनाएको छ ।

बागमती नगरपालिकाले शिक्षा क्षेत्रमा प्राप्त गरेको सफलता लोभलाग्दो बन्दै गएको शिक्षा क्षेत्रका जानकारहरुको भनाई छ । नगरका अधिकांस बिध्यालयले अंग्रेजी र नेपाली दुवै माध्यमबाट अध्यन गराईरहेका छन् । भने, बिध्यालय शिक्षा सम्पन्न गरेका बलबालिकाहरलाई बिध्यालय तह पार हुदा दर्जन बडि ज्ञान सहित पठाउने गरी पढ्दै कमाउदै कार्यक्रम समेत लागु गरिएको बिध्यालयले जनाएको छ ।

यसकालागि बिध्यालयका भौतिक संरचना र जनशक्ति तयार गर्ने काम भईरहेको नगर शिक्षा शाखाका प्रमुख मिन प्रसाद उपाध्याले जानकारी दिए । जनप्रतिनिधि आउनु पुर्व खाली जस्तै रहने बिध्यालयमा हाल नाम लेखाउन तछाडमछाडको अवस्था सृजना भईसकेको छ ।

spot_imgspot_img
spot_img

लोकप्रिय

Related Articles