रौतहट–रौतहटको चन्द्रपुर नगरपालिका स्थित एक वडाले अतिक्रमित स्थान खाली गर्न सूचना जारी गरेको छ ।
बुधवार एक सूचना जारी गर्दै चनद्रपुर नगरपालिका–१, नम्बर वडा भित्र सार्वजनिक जग्गा अतिक्रमण गरेर निर्माण गरेका संरचना हटाउन सूचित गरेको हो । वडाध्यक्ष बलराम राउतले जारी गरेको सूचनामा १५ दिन भित्र अतिक्रमण गरेर तयार गरिएको संरचना हटाउन आग्रह गरिएको छ ।
सूचनामा भनिएको छ, ‘चन्द्रपुर नगरपालिका–१, नम्बर सरकारी, मठ, मन्दिर, गुम्वा, सडक, पाटि, पौवा, चौतारा, ग्रिनलाई सामुदायिक वन लगाएतको जग्गा अतिक्रमण गरी बनाईएका घर तथा अन्य संरचनाहरु १५ दिन भित्र हटाई दिएर वडा कार्यलयलाई सहयोग गरिदिनु अनुरोध गर्दछौँ ।’
साथै वडाकार्यलयले यस्ता अतिक्रमण गरी तयार गरिएका संरचना भुमि आयोगले संकलन गरिरहेको नक्सांकनमा समेत दर्ता नहुने स्पष्ट पारेको छ । यस वडा कार्यलय क्षेत्रमा सार्वजनिक तथा सरकारी जमिन अत्यधिक मात्रमा अतिक्रमणको चपेटामा परेको कारण वडा कार्यलयले खाली गर्ने अभियान सुरु गर्न लागेको जनाएको छ ।
सूचनालाई अटेर नगर्न अन्यथा त्यसबाट पुुग्ने क्षतीको जिम्मा स्वम संरचना धनिले ब्यहोर्नु पर्ने वडा कार्यलयले चेतावनी दिएको छ ।
